MASMUR 107:4 - BIBEL JAMITA NA DENGGAN

⁴ Adong ma i na marpinda-pinda di padang na bidang, na so dapot dalan mulak tu inganan di kota.

MASMUR 107:4 ပူးပေါင်းရင်းမြစ်များ

JOB 12:24

Angka pamimpin dibaen Ia so martontu di pikiran, gabe madang-adang halahi so martujuan.

MASMUR 107:40

dipatutoru Tuhan angka na beteng ni halahi, disuru Ia marpinda-pinda halahi di padang na bidang jana na so adong dalanna.

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

JEHESKIEL 34:6

Gabe mampar ma angka biri-biringKi di angka tor na gincat dohot di angka dolok. Marserak ma halahi tu sude sisik ni portibi on, sahalak pe nada adong na manyarihon sanga na manjalahi halahi.

BILANGAN 14:33

Manjalahi panganon di halongonan ma anakmunu opat pulu taon honokna. Hara ni na so mangoloi hamu, gabe anakmunu manaon, lopus mate sude jolma na parpudi sian hamu.

BILANGAN 32:13

Muruk do Tuhan i tu halak Israel gabe dipadiar Ia halahi di halongonan i pola opat pulu taon honokna, lopus abis na sansundut na mangalo i marmatean.

PANGARATAION 32:10

Dapot Ia halahi hatiha diparedang-edangan, di na lungun boti na harsang di halongonan. Dipahan Ia halahi antong jana diondihon Ia, songon na manjagohon di diriNa.

PANGARATAION 8:15

Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

IBRANI 11:38

Inganan na so tama do portibi on di halahi. Di parhorsihan dohot di dolok-dolok i do halahi madang-adang, jana di bagasan angka liang dohot di angka rigat ni tano i do halahi maringanan.

HALUMBAAN 12:6

Gabe marlojong ma dadaboru i tu parhorsihan, i ma inganan na nipasingkop ni Debata disia. Di inganan i noma ia dipauli 1260 ari honokna.