MASMUR 107:2 - BIBEL JAMITA NA DENGGAN

² Dokkon ma songon i marpupu, ale hamu angka na dung dipalua sian hasusaan.

MASMUR 107:2 ပူးပေါင်းရင်းမြစ်များ

MASMUR 106:10

Gabe malua ma halahi sian tangan ni musuna, sian tangan ni alona, halahi dipalua.

MASMUR 130:8

Giot paluaonNia do hita, bangsoNa, sian sasude dosanta.

MASMUR 31:5

Hupasahat tu bagasan tanganMu ma tondingku, o ale Tuhan Debata na burju, na paluahon au.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

JESAYA 35:9

Nada ra adong singa disi, panyoro pe nada dalananna i. Angka halak na nipalua mamolus laho mulak sian dalan i.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

JESAYA 62:12

Goaron ma halahi: ‘Bangso Ni Debata’, ‘Bangso Na Nipalua ni Tuhan’. Goaron ma Jerusalem ‘Kota na nihalungunan’, ‘Kota na so nitadingkon ni Tuhan’.

JESAYA 63:4

Madung Hutontuhon ari pamaloson; on ma hatihana halahi paluaon.

JEREMIA 15:21

PaluaonKu do ho sian kuaso ni angka jolma na jahat jana na kejam. Au Tuhan, madung mandok songon i.”

JEREMIA 31:11

Madung malua Hubaen halak Israel sian bangso na gogo halahi Hupalua.

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

LUKAS 1:68

“Pinuji ma Tuhan Debata ni bangso Israel Madung ro Ia manopot bangsoNa, jana paluahon halahi.

LUKAS 24:21

Hape anggo hami arop hian do rohanami, Ia humani ma na paluahon Israel! Tapi madung salpu tolu ari na masa i!

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 7:8

Tapi dihaholongi Tuhan do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.