MASMUR 107:12 - BIBEL JAMITA NA DENGGAN

¹² Patunda ni karejo na borat, halahi gale-gale; tinggang halahi jana nada adong na manogusa be.

MASMUR 107:12 ပူးပေါင်းရင်းမြစ်များ

2 RAJA-RAJA 14:26

Diida Tuhan do sanga songon dia hancitna halak Israel jana umpe adong sahalak na mangurupi halahi.

2 RAJA-RAJA 6:33

Inda jabat sidung dope si Elisa na mandok hata i, ma lalu raja i disi jana didok ma, “Tuhan do mambaen hasusaan on tu hita! Jadi aha dope he gunana arop rohangku di pangurupiNia?”

NEHEMIA 9:37

Sude suha na dapot sian tano on, angkon pasahaton do tu angka raja ni luat on. Ho do mangangkat angka na markuaso i di bangsoMu, gabe uhuman ni dosa ni rayat i maradopkon Ho. Marroha-roha mamarenta halahi, tu hami dohot tu pahan-pahanannami. Jadi gabe marhancit hami saonnari, gok na manyosak dohot na mangarsahi!”

JOB 9:13

Nada diolani Debata rimasNa dohot gurgur ni ate-ateNa. Angka na mangurupi si Rahab pe tunduk do tuSia.

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 22:11

Madung mardonok parmaraan, ulang be Ho sai mandao ale Tuhan, angke asing sian Ho, nada adong partolongan.

HARURUAR 2:23

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

JESAYA 51:23

Hulehen noma i tu na mamparkanciti ho, halak na mandokkon tu ho: Unduk ma, anso hami dege hamu! Gabe dipahortang ho ma lopus dosdos dohot tano, jadi mamolus ma jolma sian ginjangna.”

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

JESAYA 63:5

Hujalahi do, hape nada adong na mangurupi Au, longang rohangKu nada adong na mambantu. HamumurukKu parohon gogo di Au, sasada Au, dapot Au do hamonangan.

HAKIM-HAKIM 16:21

Gabe ditangkup halak Pilistin ma ia jana diholuk anak ni matana i. Dioban halahi ma ia tu Gasa jana ditambat halahi ma ia dohot rante tumbaga lalu dipamasuk ma tu bagasan hurungan. Disuru ma ia disi markarejo manggiling.

HAKIM-HAKIM 16:30

pio-pio ma ia, “Padiar ma mate au rap dohot angka halak Pilistin on!” Jana sagogonia dionjar ia ma tiang i lopus marumpak jana didondoni ma silima halak na markuaso ni Pilistin i rap dohot sude jolma na asing na adong disi. Laing mate do dohot si Simson. Tapi, umbahat do dibunu ia jolma di hatiha parmatenia i sian di hatiha ni ngolunia.