MASMUR 106:7 - BIBEL JAMITA NA DENGGAN

⁷ Nada diastui ompunami di Mesir; hahomangan na nikarejohonMu nada diboto halahi. Lupa do halahi di holong ni rohaMu na godang i; di lambung ni Laut Rara dialo halahi do Na Gumincat i.

MASMUR 106:7 ပူးပေါင်းရင်းမြစ်များ

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

MASMUR 51:1

Ibo ma jolo rohaMu mida au, ale Debata mangihutkon denggan ni rohaMu dohot holong ni rohaMu. Sesa ma pangalaosingku mangihutkon ibo ni rohaMu.

MASMUR 78:11

Dihalupahon halahi do angka pambaenanNia, angka pangalaho na so haastuan roha na nipatangkasNia tu halahi.

MASMUR 78:42

Nada diingot halahi kuasoNia, lupa halahi di ari na nipalua sian musuna,

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

JESAYA 42:20

O Israel, bahat do nian na niidamu, hape so diparrohahon ho, marbuka do nian pinggolmu, hape na so marbinege do.”

JESAYA 44:18

Na santak do oto ni angka jolma na songon i. Na nitutup ni halahi do mata dohot roha ni halahi gabe nada diastui halahi sanga na aha.

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

MARKUS 4:12

Dibaen Debata pe songon i, anso ‘Torus do bolnang halahi mangaligi, tapi umpe diidasa, torus do halahi manangihon, tapi umpe mangarti, angke sugari diida jana diastui halahi gabe ro ma halahi tu Debata dung i gabe ampunan ni Debata ma halahi.’ ”

EPESUS 2:11

Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.