MASMUR 106:40 - BIBEL JAMITA NA DENGGAN

⁴⁰ Muruk Ho dibaen bangsoMi, magigi Ho maradopkon halahi.

MASMUR 106:40 ပူးပေါင်းရင်းမြစ်များ

1 RAJA-RAJA 11:25

Laing songon si Hadad, marmusu muse ma Raja ni Siria tu Israel di hatiha ngolu ni si Salomo jana manggaori halahi di luat i.

MASMUR 74:1

Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

JEREMIA 12:7

Madung Hutinggalkon bagas ingananKi jana Huambungkon luatKi. Madung Hupasahat haholonganKi tu tangan ni musuna.

ANDUNG 2:7

Ditulak Tuhan do langgatanNa na badia i. Nada ra be Ia mangakui bagasNia sandiri; dipadiar Ia musu i mangaroncohon angka tembokna i. Di ingananta na salpu i maribadat marjop ni roha, marsurak musu songon na marpesta.

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

HAMALIMON 26:30

RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

PANGARATAION 32:19

Marnida pangalaho ni angka dakdanakNa, muruk Tuhan jana manulakkonsa.

PANGARATAION 9:29

Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAKIM-HAKIM 2:20

Patunda ni i gabe sun ma muruk ni Tuhan tu Israel, jana didok ma, “Madung Huparentahon tu angka ompung ni bangso on anso ditiopsa parjanjian antara Au dohot halahi. Hape digotapkon bangso on do pudun-pudun ni janji i; dilanggar halahi do parentangKu.

HAKIM-HAKIM 3:8

Gabe muruk ma Tuhan tu halak Israel jana dipadiar halahi talu jana dirajai Raja Kusan Risataim na sian Mesopotamia salapan taon honokna.