MASMUR 106:4 - BIBEL JAMITA NA DENGGAN

⁴ Ingot ma au ale Tuhan, muda diurupi Ho bangsoMi, tolong ma au muda dipalua Ho halahi.

MASMUR 106:4 ပူးပေါင်းရင်းမြစ်များ

NEHEMIA 13:14

Ale Debatangku, ingot ma sude na dung hubaen tu BagasMu dohot tu na mangoloi disi.

NEHEMIA 13:22

Jadi husuru ma angka halak Levi patupahon upacara paiaskon diri dohot manjago angka pintu horbangan laho mangawasi anso dipasangap halak Ari Sabat i. Martangiang ma au, “Ale Debatangku laing ingot ma au hara ni pangalahongki jana ibo ma rohaMu di au hombar tu godang ni holong ni rohaMu.”

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

NEHEMIA 5:19

Pangidoanku ale Debata, ingot ma sasude na dung hubaen i di bangso on jana pasupasu ma au.”

MASMUR 119:132

Manaili ma Ho tu au jana ibo ma rohaMu di au, songon panghasianiMu di halak na nihaholonganMu.

MASMUR 25:7

Sesa ma dosa dohot hasalaan di hatiha haposoonku, ingot ma au, hombar tu holong dohot denggan ni rohaMu.

LUKAS 23:42

Dung i didok ia ma tu Jesus, “O Jesus ingot ma Au, muda ro Ho saulahon dung gabe Raja!”

BAENON NI ANGKA RASUL 15:14

Madung nipajojor si Simon bahaso sian mulana madung dipatuduhon Debata holongNia tu angka bangso na asing, anso laing dohot sian halahi dipili Debata na gabe bangsoNia.