MASMUR 106:21 - BIBEL JAMITA NA DENGGAN

²¹ Dihalupahon halahi do Debata na paluahon halahi, na dung patupahon angka pangalaho na godang di Mesir,

MASMUR 106:21 ပူးပေါင်းရင်းမြစ်များ

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

MASMUR 135:9

Bahat dibaen Ia hahomangan dohot tanda laho manguhum raja ni Mesir dohot sude pagawena.

MASMUR 106:13

Hape tibu do ale Tuhan, dihalupahon halahi pambaenanMu; nada mangido sipaingot halahi, di angka tindakanna.

PANGARATAION 10:21

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

TITUS 2:10

sanga manangko. Angkon patuduhonon ni halahi do na tongtong halahi denggan jana burju; anso dipuji halak pangajaran taringot tu Debatanta Sipalua i hara ni pambaenan ni halahi.

TITUS 1:3

Topet di hatihana, dipataridahon Debata do ngolu i di bagasan barita i jana hupaboa do i hara ni parenta ni Debatanta Sipalua i.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

PANGARATAION 6:22

Taida sandiri do Tuhan mambaen angka hahomangan dohot angka pangalaho na godang-godang maradopkon halak Mesir dohot raja ni halahi maradu sude menterina.

LUKAS 1:47

marmoga-moga rohangku hara ni Debata Sipatorkiskonku.

HAKIM-HAKIM 8:34

Nada be maribadat halahi tu Debata, Tuhan ni halahi, na dung paluahon halahi sian kuaso ni sude musu na humaliang halahi.

JESAYA 17:10

O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.