MASMUR 106:2 - BIBEL JAMITA NA DENGGAN

² Ise do na tarbaen mamaritahon hagodangan ni pambaenanNia, dohot mangalehen puji-pujian na patut diSia?

MASMUR 106:2 ပူးပေါင်းရင်းမြစ်များ

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

JOB 26:14

Tapi tanda ni kuasoNia ma i sudena; hum sora na lingo-lingoon do na lalu tu parbinegeanta. Na otik ma da na haastuan hita satontang tu Debata maradu hagodanganNia!”

JOB 5:9

Na godang ma da pambaenan ni Debata; nada tuk gogoniba mangastuisa. Angka hahomangan dibaen Ia, na so tarbilang jana na so marujung.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

EPESUS 1:19

Jana na godang do kuasoNia di hita angka na dung porsaya mangihutkon kuaso hagogoonNia na togu i,

EPESUS 3:18

Hutangiangkon do anso rap dohot halak na porsaya, tarsuhat hamu nian sanga na sadia bidangna dohot ginjangna dohot gincatna bope bagasna holong ni roha ni Kristus i,