MASMUR 106:1 - BIBEL JAMITA NA DENGGAN

¹ Mandok tarimakasi ma tu Tuhan, angke burju do Ia; hot do manongtong holong ni rohaNia.

MASMUR 106:1 ပူးပေါင်းရင်းမြစ်များ

1 JUJUR TAON 16:34

Lehen ma tu Tuhan tarimakasi. Angke na denggan rohaNia, jana nada tarsuhat holongNia.

1 JUJUR TAON 16:41

Disi muse do si Heman dohot si Jedutun bope angka na deba nari mangurupi Malim Zadok dohot angka malim na deba nari laho mangendehon: “Puji-pujian ma di Tuhan, hara ni holong ni rohaNa na so mantak i.”

ESRA 3:11

Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 105:1

Mandok tarimakasi ma di Tuhan, paboa-boa hamu ma hagodanganNia. Caritohon hamu ma pambaenanNia di tonga-tonga ni angka bangso.

MASMUR 105:45

anso oloan ni halahi angka uhumNia jana ihutkononna parentaNia. Puji ma Tuhan!

MASMUR 107:1

“Mandok tarimakasi ma hamu tu Tuhan angke na burju do Ia, hot do holong ni rohaNia salolot-lolotna.”

MASMUR 118:1

Dok ma tarimakasi tu Tuhan angke na denggan do Ia, sai hot do manongtong holong ni rohaNia.

MASMUR 119:68

Na denggan ma antong rohaMu, jana denggan muse pambaenanMu ajarkon ma tu au angka hatontuan na nibaenMu.

MASMUR 135:3

Puji ma Tuhan, angke na denggan do Ia, puji ma goarNia, dibaen na basa do rohaNia.

MASMUR 136:1

Mandok tarimakasi ma hamu tu Tuhan, angke na denggan do Ia, hot do holong ni rohaNia sapanjangna.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

MATEUS 19:17

Dialusi Jesus ma, “Biasi tu Au ho manyapai sanga aha na denggan? Hum sada do na denggan, i ma Debata. Muda lungun rohamu dapotan hangoluan na so mantak, angkon oloanmu do angka parenta ni Debata.”

1 TESSALONIKA 5:18

Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.