MASMUR 104:34 - BIBEL JAMITA NA DENGGAN

³⁴ Sai tumbuk nian endengki di rohaNia angke Ia do mambaen rohangku marmoga-moga.

MASMUR 104:34 ပူးပေါင်းရင်းမြစ်များ

PAMUNGKAAN 24:63

Sanoli hatiha andospotang ruar ma ia sian bandarnia i laho mardalan-dalan di padang-padang i, jadi diida ia ma ro angka unto.

MASMUR 1:2

tapi na ringgas patuluskon Tona Ni Tuhan, jana na pahusor-husorkon di bagasan rohana arian dohot bornginna.

MASMUR 105:3

Marjop ni roha ma hita, angke Ia do nampuna hita, sai marjop ni roha ma sude na marsomba tuSia.

MASMUR 119:111

ParentaMu do pusako di au salolot-lolotna, na mambaen rohangku marmoga-moga.

MASMUR 119:167

Hupatulus angka paraturanMu, jana huhaholongi do i sian sasude rohangku.

MASMUR 32:11

Marjop ni roha ma hara ni Tuhan, o hamu halak na burju roha, marsurak ma hamu marmoga-moga, hamu sude na burju mangoloisa!

MASMUR 35:9

Jadi marsurak-surak ma au hara ni Tuhan, jop ma rohangku dibaen dipalua Ia au.

MASMUR 77:12

Pasari-sarion ni rohangku do sude pambaenanMu, hupikiri do hagodangan ni parkarejoanMu.

MASMUR 9:2

Hara ni Ho, dapot au roha na sonang hupuji goarMu, Tuhan Na Markuaso.

PODA 24:14

songon i muse ma dengganna bisuk ni tondimu. Muda marbisuk ho, torang ma ari pangapudianmu.

LUKAS 1:47

marmoga-moga rohangku hara ni Debata Sipatorkiskonku.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

HALUMBAAN 10:10

Hubuat ma balunan na menek i sian tangannia jana hupangan. Songon tonggi ni aer ni loba ma antong daina anggo di pamanganniba, hape dung hubondut, gabe paet ma dung di butuhangku.