MASMUR 104:30 - BIBEL JAMITA NA DENGGAN

³⁰ Tapi muda disuru Ho tondiMu, hona tompa ma halahi dilehen Ho ngolu na imbaru tu portibi on.

MASMUR 104:30 ပူးပေါင်းရင်းမြစ်များ

JOB 12:10

Ia do na mangatak mangatur sasudena na nitompa. Jana na kuaso di hosa ni ganop jolma manusia.

JOB 26:13

HosaNia do manyapu langit jabat maradu sihar; dibunu Ia do naga na giot maporus dohot tanganNia.

JOB 33:4

Madung ditompa Tondi Ni Debata au jana dilehen do dohot ngolungku.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

JESAYA 65:17

Didok Tuhan: “TompaonKu ma langit na imbaru dohot tano na imbaru, angka na masa na salpu dihalupahon noma i, jana nada ingoton be.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

JEHESKIEL 37:5

‘Au, Tuhan Debata mangombuskon hosa hangoluan tu bagasan dirimunu anso mangolu hamu mangulahi.

JEHESKIEL 37:6

Hubaen urat dohot juhut tu hamu jana Hubalut hamu dohot huling-kuling. LehenonKu ma hosa tu hamu anso mangolu hamu. Jadi gabe botoonmunu ma Au do Tuhan.’

JEHESKIEL 37:9

Didok Debata ma tu au, “Ale anak ni jolma, mangkuling ma ho tu alogo i. Dokkon ma na Huparentahon, Au Tuhan Debata mamarentahon tu alogo i anso marroan sian sude panjuru, laho mangombuskon hosa tu bagasan ni angka pamatang na mate i anso mulak mangolu halahi.”

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

HALUMBAAN 21:5

Didok na juguk na di ginjang ni habangsa i ma, “Ligi ma, Hupaimbaru do sasudena!” Jana mangkuling ma Ia muse, “Suratkon ma, angke na tutu jana na sintong do sude hata on.”