MASMUR 103:5 - BIBEL JAMITA NA DENGGAN

⁵ Marhasurungan do ngolumu dibaen Ia marhite hadengganan, songon rajawali laing poso ho jana marhagogoan.

MASMUR 103:5 ပူးပေါင်းရင်းမြစ်များ

JOB 33:25

Tohong jana margogo ma pamatangna i marmiak songon doli-doli.

MASMUR 104:28

Jana panganon na nipasingkopMu pe, dipangan halahi do i lopus butongan be.

MASMUR 107:9

Angke dipaminum Ia halak na manguas, na male dipabutong Ia dohot hadengganan.

MASMUR 23:5

Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

MASMUR 63:5

Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

2 KORINTUS 4:16

Hara ni i ma umbaen na so mandele hami. Haru pe mur sego hajolmaonnami parduru on, tapi anggo hajolmaon parbagasan i mur dipaimbaru do sian ari tu ari.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

JOSUA 14:11

hape laing gogo dope songon di hatiha na nisuru ni si Musa au na salpu i. Laing tuk dope gogongku laho marporang sanga pe mambaen bagi aha sajo.