MASMUR 103:3 - BIBEL JAMITA NA DENGGAN

³ Disesa Ia do sude dosamu, jana dipamalum sude nyaemu.

MASMUR 103:3 ပူးပေါင်းရင်းမြစ်များ

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

MASMUR 130:4

Hape diampuni Ho do hami, diarop rohangku do janjiNa.

MASMUR 130:8

Giot paluaonNia do hita, bangsoNa, sian sasude dosanta.

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 30:2

Tu Ho do au pio-pio, ale Tuhan Debatangku, jadi gabe dipamalum Ho au.

MASMUR 41:8

Didok halahi ma, “Pasang sajo do da nyaena i, nada tarbaen mungkap be i.”

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

JESAYA 33:24

Sahalak pe nada adong na humolos di luatta hara ni nyae, jana sesaonNia ma sude dosanta.

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JESAYA 53:5

Hara ni angka dosanta, do ia mabugangi, jana hara ni hajahatanta ia dibalbali. Hona uhum ia anso malua hita, hara ni angka gasania gabe malum hita.

JEREMIA 17:14

Pamalum ma au Tuhan, anso gabe torkis au. Palua ma au, anso gabe malua au. Hum Ho do na hupasangap!

BILANGAN 12:13

Dung i dipangido si Musa ma tu Tuhan i, “Ale Debata, pamalum ma ia.”

MARKUS 2:5

Dung diida Jesus marsitutu do haporsayaan ni halahi, didok Ia ma tu na onyangon i, “Ale anakKu, madung sesa sude dosami!”

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

JAKOBUS 5:15

Tangiang na nipasahat tu Tuhan mardongan pos ni roha, tarbaen do i pamalumkon halak na marnyae. Pamalumon ni Tuhan ma i jana sesaonNia ma angka dosa na nibaennia.