MASMUR 103:21 - BIBEL JAMITA NA DENGGAN

²¹ Puji ma Tuhan, hamu sude angka na markuaso di banua ginjang, sude naposoNia na mandalankon hagiotNia.

MASMUR 103:21 ပူးပေါင်းရင်းမြစ်များ

PAMUNGKAAN 32:2

Di na niida ni si Jakob angka surusuruan i, didok ia ma, “On ma parbandaran ni Debata.” Jadi digoari ia ma inganan i, Mahanaim.

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

2 JUJUR TAON 18:18

Didok si Mika ma mangulahi, “Saonnari tangihon ma jolo na nidok ni Tuhan! Huida do Tuhan juguk di ginjang ni habangsaNa di banua ginjang, jana marjongjongan angka surusuruanNa di lambungNia.

NEHEMIA 9:6

Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

MASMUR 104:4

Dibaen Ho alogo suruanMu, dohot hilap gabe pangoloiMu.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 68:17

Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

LUKAS 2:13

Ompot muse ma ro bahat surusuruan na asing mandongani surusuruan i, mamuji Debata. Ninna halahi ma,

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

JOSUA 5:14

“Nada dongan, jana nada alo,” ning bayo i mangalusi. “Panglima ni tentara ni Tuhan do au dison.” Manungkap ma si Josua, marsomba jana didok ia ma, “Aha do na giot dohonon ni Tuanku di naposomon?”