MASMUR 103:2 - BIBEL JAMITA NA DENGGAN

² Puji ma Tuhan, ale tondingku, jana ulang halupahon sude hadenggananNa!

MASMUR 103:2 ပူးပေါင်းရင်းမြစ်များ

2 JUJUR TAON 32:25

Tapi hara na ginjang rohania, nada mandok tarimakasi ia hara ni hamalumon na nilehen ni Tuhan i tusia. Jadi hara ni i gabe muruk ma Tuhan tu Juda dohot Jerusalem.

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

MASMUR 106:21

Dihalupahon halahi do Debata na paluahon halahi, na dung patupahon angka pangalaho na godang di Mesir,

MASMUR 106:7

Nada diastui ompunami di Mesir; hahomangan na nikarejohonMu nada diboto halahi. Lupa do halahi di holong ni rohaMu na godang i; di lambung ni Laut Rara dialo halahi do Na Gumincat i.

MASMUR 116:12

Songon dia ma he tarbaloskon au di Tuhan denggan ni basaNa, na binaenNia tu au?

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

PANGARATAION 32:18

Ditadingkon halahi do Debata Sipalua, Tuhan silehen ngolu dihalupahon.

PANGARATAION 32:6

Songon i ma he pamalosmu di hadengganan ni Tuhanmu, ale jolma na so marbisuk boti na sun otomu? Nada he Amangmu do Ia, na manjadihon ho, na manompa hamu gabe sada bangso?

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

HAKIM-HAKIM 5:2

Puji Tuhan! Marsumpa do Israel laho marjuang; sian ias ni rohana kehe rayat i marporang.

HAKIM-HAKIM 5:9

Hamu angka panglima Israel, hupasangap do hamu. Puji Tuhan! Sian jop ni rohana dilehen halahi dirina gabe haul.