O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.
Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”
Tapi haru pe laing di luat ni musu halahi tinggal, nada tinggalkononKu sanga roncohononKu halahi. Angke muda Huroncohon halahi, na manggotapkon parjanjian do Au tu halahi, hape Au do Tuhan Debata ni halahi.
Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.
Au dehe lakna manompa sanga manubuhon halahi? Biasi dipangido Ho au songon sada halak parorot na mangompa dakdanak? Gabe angkon pature-tureonku halahi salolot di pardalanan tu tano na nijanjihonMu tu ompung ni halahi?
Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”
Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;
Na nipatogu do kota i dohot angka tembok na gincat, pintu horbangan dohot goruk-goruk ni pintuna laho manutup angka horbangan i. Asing ni i adong dope bahat kota na asing na so martembok.