MASMUR 103:10 - BIBEL JAMITA NA DENGGAN

¹⁰ Nada dibaen tu hita hombar tu angka dosanta, jana nada dibaloskon tu hita hombar tu angka hajahatanta.

MASMUR 103:10 ပူးပေါင်းရင်းမြစ်များ

ESRA 9:13

Madung mardosa hami maradopkon Ho jana hami langgar uhumMu, jana madung diuhum Ho hami. Tapi hami boto do, ale Debatanami, nada songon borat ni na patut jagitonnami uhuman na nilehenMu, dipalua Ho muse dope hami.

NEHEMIA 9:31

Tapi hara ni holong ni rohaMu na so marparsuhatan, nada halahi ditadingkon Ho sanga dironcohon. Tutu ma da antong, Ho do Debata na so marpartudosan; na godang holong ni rohaMu, gok paribo ni rohaan!

JOB 11:6

Jana dipaboa Ia ma nian tu ho, na bahat do suhi ni habisuhon, jana na so haastuan jolma. Jadi botoonmu ma sugari na so sadia do dangolmi, martimbangkon uhuman na patut tanggungonmi.

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

ANDUNG 3:22

Hot do manongtong holong dohot asi ni roha ni Tuhan,

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.