MASMUR 102:6 - BIBEL JAMITA NA DENGGAN

⁶ Tudos ma au tu unggas rande di parhorsihan, songon sipauk di sego-sego ni huta na mamolngit.

MASMUR 102:6 ပူးပေါင်းရင်းမြစ်များ

JOB 19:20

Maradu martanggurniang noma pamatang; na giot mate ne noma da iba, hosa i maradu habang.

JESAYA 38:14

Sorangku mur longon jana lambok, songon darapati morong-orong noma au. Loja matangku hara ni na sai manatap tu langit, Tuhan, palua ma au sian hasusaan on.

MIKA 1:8

Dung i ning si Mika ma: “Hara ni i do umbaen na marsak au jana tumatangis hara ni arsak ni rohangku, kehe ma au mardalan nada marsolop jana nada marpakean. Sai marauang ma au songon sorigala jana sai mangandungi songon unggas unto.

ZEPANYA 2:14

Gabe inganan parpunguan ni binatang ma kota i. Modom-modom ma disi nasa ragam ni binatang harangan. Angka lali dohot barung pe marborngin ma di ginjang ni angka tiangna. Mangkuling ma si pauk sian jandela jana unggas gawak mangkuling di ginjang ni pintu. Madung disegoi sude parhayu ares.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.