MASMUR 102:18 - BIBEL JAMITA NA DENGGAN

¹⁸ Suratkon ma sude na nibaen ni Tuhan, baen di sundut na ro di pudi, anso bolas Ia pujion ni bangso na so tubu dope tu portibi on.

MASMUR 102:18 ပူးပေါင်းရင်းမြစ်များ

MASMUR 48:13

Pamanat ma tembokna, pareso ma bentengna, anso tarturihon hamu i tu angka na umposo.

MASMUR 69:34

Puji ma Debata, ale langit dohot tano, laut dohot sude pangisina.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

HARURUAR 17:14

Dung i didok Tuhan ma tu si Musa, “Suratkon ma taringot tu hamonangan on, anso sai tongtong dipaingot-ingot. Dok tu si Josua, na giot lantuhanKu do sude halak Amalek on.”

JESAYA 43:21

Madung Hubaen bangso Israel gabe hapunjunganKu, laho mangendehon puji-pujian di Au.”

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

DANIEL 9:2

Di taon parjolo mamarenta ia, au si Daniel, mamparate-atehon di bagasan buku ugamo taringot tu bilangan ni taon hombar tu na nidok ni Tuhan tu panurirang Jeremia angkon masa tu Jerusalem na dung gabe lobu i, i ma pitupulu taon.

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

SURAT NI SI PAULUS TU PARLAGUTAN ROM 15:4

Harana sanga aha na dung tarsurat na jolo, gabe parsiajaran do i di hita, anso togu hita di panghirimon i, markite-hite hapohomon dohot pangapoion sian Buku Na Badia i.

1 KORINTUS 10:11

Masa pe sudena i, na gabe tiruan do i tu angka halak na asing. Jana nisuratkon do sudena i anso gabe parningotan di hita. Angke di hatiha parpudi noma hita mangolu.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

2 PETRUS 1:15

Jana angkon husitutui noma markarejo anso laing adong dalan di hamu marningot angka i mangulahi muda dung jumolo au.