MASMUR 102:17 - BIBEL JAMITA NA DENGGAN

¹⁷ TangihononNia ma tangiang ni bangsoNa na marhasusaan i, jana nada tulakonNia pangidoan ni halahi.

MASMUR 102:17 ပူးပေါင်းရင်းမြစ်များ

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

MASMUR 72:12

Halak na hona sosak na so margeldok, diurupi ia, dohot na pogos na pio-pio tusia.

MASMUR 22:24

Angke nada dipadiar Ia halak na niparkancitan, jana nada nayang rohaNia di pardangolanna. Nada dihudukkon Ia halahi, tapi mangalusi do Ia muda pio-pio halahi tuSia.

MASMUR 9:18

Nada tongtong halak na dangol dihalupahon, nada torus halahi so marpangaropon.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

PANGARATAION 4:29

Jalahanmunu ma disi Tuhan Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

MASMUR 69:23

Sai gabe mapitung nian mata ni halahi, jana gale hayu tanggurungna i.

NEHEMIA 2:20

Hualusi ma, “Baenon ni Debata na markuaso di banua ginjang i do marhasil karejonami on. Angka naposoNia do hami na giot mamungka mambangun on. Tapi anggo hamu nada marhak marnampunahon sanga na aha anggo di Jerusalem on. Antong goarmunu pe nada dokkon-dokkonon muda manghobari halak salaho tu Jerusalem.”

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

JEREMIA 31:38

Didok Tuhan, “Dapot do i hatihana, paulion mangulahi sude Jerusalem songon kotangKu, sian Palas-palas Hananeel na di Hasundutan lopus tu horbangan na di suhi-suhi.