MASMUR 101:6 - BIBEL JAMITA NA DENGGAN

⁶ Mida halak na haposan, jop do rohangku; tola do halahi maringanan di bagasku. Halak na so targora di ngoluna tola ma mangoloi iba.

MASMUR 101:6 ပူးပေါင်းရင်းမြစ်များ

MASMUR 119:63

Ale-ale ni na manghabiari Ho do au, dohot na patuluskon parentaMu.

MASMUR 15:4

na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

PODA 28:28

Muda markuaso halak na jahat, rayat manabunihon diri; muda pusa halak na jahat, mur tamba ma bahat ni halak partigor.

PODA 29:2

Muda mamarenta halak na tigor, moga ma halak na bahat. Tapi muda markuaso halak na jahat marhancit ma rayat.

HAMALIMON 14:42

Dung i angka batu na diparuar i, gontion ma dohot batu na imbaru. Dingding batu ni bagas i angkon nilepo mangulahi.

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.