MASMUR 101:5 - BIBEL JAMITA NA DENGGAN

⁵ Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 101:5 ပူးပေါင်းရင်းမြစ်များ

MASMUR 138:6

Na godang do Ho, hape laing diparrohahon Ho muse do halak na menek, nada tarbaen halak siginjang roha martabuni sian joloMu.

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

MASMUR 18:27

Dipalua Ho do angka na toruk roha, dipatunduk Ho do na ginjang roha.

MASMUR 50:20

Sadihari sajo, matua na pabile kahanggimu do ho, jana pahata-hata donganmu saama-saina.

HARURUAR 20:16

Ulang gabe saksi pargabus maradopkon dongan.

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

PODA 20:19

Nada tarsimpan na ramos mangecet rahasia; jana dohot halak na mabekbektu indangkon sai mardongan iba.

PODA 21:4

Mardosa do halak parjahat i, hara ni na nirajaan ni bulbul dohot ginjang ni roha i.

PODA 25:23

Alogo sian Utara pasti parohon udan; songon i muse ma na pahata-hatahon tontu patubu hamuruhan.

PODA 30:13

Adong do halak si ginjang roha, sai gakgak ma pangaligina.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JEHESKIEL 22:9

Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

1 SAMUEL 2:3

Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.