MASMUR 100:2 - BIBEL JAMITA NA DENGGAN

² Marsomba ma tu Tuhan mardongan jop ni roha, ro ma tu joloNia lalu marendei!

MASMUR 100:2 ပူးပေါင်းရင်းမြစ်များ

1 RAJA-RAJA 8:66

Di ari pasalapankon diloas si Salomo ma marmulahan jolma i. Sude halahi mandok horas tusia lalu mulak be tu bagasna mardongan jop ni roha, hara ni pasupasu na nilehen ni Tuhan tu naposoNa si Daud dohot tu bangsoNa Israel.

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

2 JUJUR TAON 31:2

Diaturkon Raja Hiskia ma mangulahi parbagi ni karejo ni angka malim dohot halak Levi. I ma angka karejo na mardomu tu pangalaho on: Manghaulkon haul situtungon dohot haul pardamean, dohot maribadat di Bagas Ni Debata, jana mamuji lalu mandok tarimakasi tu Tuhan di angka inganan na marragam di Bagas Ni Debata.

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 71:23

Marsurak-surak ma au mardongan gok jop ni roha, di na mangendehon puji-pujian au di Ho. Marmoga-moga do pamatang dohot tondingku marendei, hara ni na dung nipaluaMu au.

MASMUR 95:2

Beta ma mangadop tuSia mardongan logu tarimakasi, marsurak-surak diSia mardongan masmur.

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 16:14

Marmoga-moga ma hamu rap dohot angka dakdanakmunu, angka hatobanmunu, halak Levi, halak sileban, dakdanak na so marama dohot angka na mabalu na maringanan di hutamunu.

PANGARATAION 28:47

Madung dipasupasu Tuhan ho di sude pangalaho, hapengani nada ra ho mangoloi Ia mardongan jop ni roha dohot hamogaan.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!