MASMUR 10:7 - BIBEL JAMITA NA DENGGAN

⁷ Mamurai ia jana mangondam, sude hatania gok hagigian dohot hajahatan.

MASMUR 10:7 ပူးပေါင်းရင်းမြစ်များ

JOB 15:35

I ma da halak na sai mangarohahon hajahatan na mandalankonsa. Tipu dohot gabus do na sai manggohi rohana.”

JOB 20:12

Na tonggi ma da hajahatan di pamanganna! Sai songon na holong rohana manigor mamondutsa. Gabe ditabunihon ma di toru ni dilana, anso lumolot paincop-incoponna.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 140:3

Songon ulok na marbisa do dila ni halahi songon rasun ni ulok sonduk angka hata ni halahi.

MASMUR 140:9

Ulang padiar monang musungki, padiar ma angka hata ni halahi na jahat i mandondoni halahi.

MASMUR 144:11

Palua ma au sian podang ni halak na jungkat, palua ma au sian kuaso ni halak na asing na sai margabusi jana manipu, dohot na mambaen sumpa na so tutu.

MASMUR 144:8

na sai margabusi dohot manipu dohot na mambaen sumpa na so tutu.

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

MASMUR 41:6

Angka na marroan mangaligi au, marroha na jat do halahi tu au. Dipalagut halahi do hata-hata na so ture salaho tu au, jana dipasarsar halahi ma i sun tu jae tu julu.

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

MASMUR 50:19

Matua sai mandok na jat do ho, tongtong hobas mardongan sipaoto-oto.

MASMUR 52:4

O pangicu, marhite angka hatamu sai dihagioti ho do pahancit roha ni halak!

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

MASMUR 58:3

Na lilu do halak parjahat mamungka sian bortian, na manipu do halahi mamungka sorang.

MASMUR 59:12

Angke mardosa do halahi hara ni pamanganna, marhite angka hata na nipardokkonanna. Padiar ma tardapot halahi di ginjang ni rohana, angke sai na giot mamurai do halahi dohot na margabusi.

MASMUR 59:13

Pangabis ma halahi ale Debata, di bagasan hamuruhonMu, pangabis ma halahi lopus punu. Gabe sude ma halak umboto bahaso Debata do mamarenta di pomparan ni si Jakob, jana mangararati do pangarajaionNa tu sude tano on.

MASMUR 62:4

Hum na giot mandabuhon ia do halahi sian pangkatna na timbo; jop do roha ni halahi margabus; markite-hite pamangan halahi mamasumasu, tapi mamurai do halahi di bagasan roha.

MASMUR 64:3

Dipatajom halahi do dilana songon podang, mandokkoni angka hata na tajom songon pana.

MASMUR 7:14

Ligi, halak na jahat mambaen hajahatan; rohana gok na busuk dohot panipuan.

MASMUR 73:8

Sai na mangincaki do halahi jana pahata-hatahon, maradu sombong mangondam giot pasusahon.

PODA 21:6

Sinadongan na dapot sian na so jujur maradu tibu do i mago jana i ma maroban halakna i tu kubur.

PODA 30:8

Ulang jabat hupardokkoni angka hata gabus, jana ulang padiar au marpogos sanga makayo. Hum na huhaporluhon pe lehen di au.

JESAYA 59:4

Nada adong na mangajuhon parkaro na maralasan na tutu, jana nada adong na manguhumi, dohot alasan na togu. Halak na mangasahon na so hasaya dohot gabus, halak na adong mara dohot manubuhon hajahatan.

JEREMIA 9:3

jana hum na margabusi. Di sandok luat nada markuaso hatigoran, jana hageduhan noma hatontuanna. Didok Tuhan ma, “Nada marnamantak bangsongKi mambaen hajahatan, nada dioKu halahi Au Debata.”

AMOS 8:4

Tangihon ma, hamu angka na mandege-dege halak na pogos, jana na mangagohon halak na dangol di luat on.

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!