MASMUR 10:3 - BIBEL JAMITA NA DENGGAN

³ Halak na jahat manghatahon na nihalungunkon ni rohana, halak na lahap mamurai jana manulak Tuhan.

MASMUR 10:3 ပူးပေါင်းရင်းမြစ်များ

1 RAJA-RAJA 20:25

Dung i laing diparade raja i ma pasukan sabahat ni pasukan na talu i, mardongan kudo dohot kareta porang laing sabahat ni na salpu i muse. Di napa na toruk ma taporangi halak Israel, anggo sanoli on ingkon monang hita.” Satuju ma Raja Benhadad, dioloi ia ma poda na sian angka perwirania i.

JOB 31:24

Na so unjung do hupangasahon sinadonganku,

MASMUR 35:21

Dipasala halahi do au jana pio-pio paboa na dung tardapot di halahi pangalahongku.

MASMUR 49:18

Salang muda adong pe halak na mardohar di ngoluna, jana na nipanggar-panggar hara ni doharnia,

MASMUR 49:6

angka halak na jahat na mangasahon hakayoanna, jana na manghaginjangkon sinadonganna.

MASMUR 5:6

Dipusa Ho do angka pargabus ditulakkon Ho do pangicu dohot pamunu.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 94:4

Dipardokkoni halahi do hata na kasar, jana dihasombongkon halahi do angka hajahatanna i.

HARURUAR 15:9

Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

PODA 28:4

Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.

PARJAMITA 7:15

Nada adong guna ni ngolungki, tapi salolot mangolu au huida do sasudena. Huhul mate do halak na burju i, haru pe tigor ia. Hape halak na jahat i ginjang do umurna, haru pe dipupu ia mardosa.

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

JESAYA 57:17

Hara ni hasalaan na mangahut tu dirinia sandiri do umbaen na muruk Au, Hu ajar do ia, Hutabunihon bohingKu dohot murukKu, tapi marbalik do ia mamolus dalan na nipili ni rohana.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

HAMALIMON 26:30

RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.

HABAKUK 2:9

Hona bura ma ho! Dipagukguk ho arta tu dongan sabagasmu marhite untung na dapotmu sian hakejamon, anso aman bagasmu sandiri jana dao sian hasusaan dohot parmaraan.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 12:19

Dung sidung i hudok ma tu rohangku sandiri: Na maruntung ma da ho! Madung bahat angka na denggan disimpan ho; madung tuk i martaon-taon. Nada pola bahat be sipikiranmu! Aha dope, mangan minum ma ho marsonang-sonang!’

SURAT NI SI PAULUS TU PARLAGUTAN ROM 1:29

Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

EPESUS 5:5

Ingot hamu ma on tangkas: Sanga ise na rorang pangalahona, sanga na so ture, sanga na sai ahut tu diri (sarupa tu na marsomba gana-ganaan do pangalaho na songon i), nada tarbaen halak na songon i gabe anggota ni bangso ni Kristus dohot Debata.

PANGARATAION 29:19

Ulang ma adong dison sahalak pe na umbege sadari on pangidoan na koras i hapengani di bagasan rohania laing pos do rohania marnasib na denggan ia tongtong haru pe manggogo ia manustus dalannia sandiri. Hara ni i angkon diabiskon ma sude na maraek dohot na mahiang.

PANGARATAION 32:19

Marnida pangalaho ni angka dakdanakNa, muruk Tuhan jana manulakkonsa.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

JAKOBUS 4:13

Hamu angka dongan na mandok, “Sadari on sanga ancogot na giot kehe do hami tu kota adu i jana disi ma hami maringanan sataon honokna anso marjagal jana manjalahi hepeng disi,

JAKOBUS 4:16

Hape saonnari gabe marginjang ni roha do hamu jana mamburas. Sala do sudena buras na songon i.

1 JOHANNES 2:15

Ulang haholongi hamu portibi on, sanga pe bagi aha na adong di bagasan portibi on. Muda holong do rohamunu di portibi on, na so holong do rohamunu mida Ama i.

HAKIM-HAKIM 17:2

Sanoli didok ia ma tu inangnia, “Inang! Dompak na magoan inang saribu saratus hepeng perak, hubege diburai inang do na manangko i. Di au do hepeng i, au do na mambuatsa.” Dialusi inangnia i ma, “Sai dipasupasu Tuhan ma da ho, anakku!”

1 SAMUEL 23:21

Dialusi si Saul ma, “Sai dipasupasu Tuhan ma hamu hara ni burjumunu tu au!