MASMUR 10:12 - BIBEL JAMITA NA DENGGAN

¹² Jongjong ma Ho Tuhan, uhumi ma halak parjahat, ulang halupahon halak na marsak.

MASMUR 10:12 ပူးပေါင်းရင်းမြစ်များ

MASMUR 13:1

Lopus andigan ale Tuhan? Ro di salolotna do halupahononMu au, jana monjap sian au?

MASMUR 17:13

Jongjong ma Ho Tuhan, alo jana taluhon ma musungku, palua au sian parjahat hara ni podangMu.

MASMUR 17:7

Patidahon ma holongMu na gok hahomangan, jadi hami dapotan haluaan. Di bagasan pangondingiMu, sonang hami sian pangaroro ni musu.

MASMUR 3:7

Palua ma da au ale Tuhan Debatangku, uhumi jana taluhon ma sude angka musungku.

MASMUR 7:6

O Tuhan jongjong ma Ho di bagasan rimasMu, alo ma panggosa ni musungku. Jongjong ma Ho jana urupi ma au, angke Ho do na manjalaki hatigoran.

MASMUR 74:19

Ulang pasahat bangsoMu na so margogo i tu tangan ni musu na kejam i. Ulang ma salolotna halupahon bagian ni bangsoMu na mardangol.

MASMUR 77:9

Na dung lupa dehe Debata laho mangkaholongi hami? Adong he na muruk Ia, gabe nada marholong ni roha be?”

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

MASMUR 9:13

Ligi ma pambaenan ni musu mangarsaki au, ibo rohamu Tuhan sian hamatean palua au!

MASMUR 9:19

Jongjong ma Ho Tuhan, uhumi ma angka bangso parbegu, ulang padiar jolma i paginjang roha.

MASMUR 94:2

Jongjong ma Ho ale Panguhum ni sandok tano on, uhumi ma halak siginjang roha hombar tu pambaenanna.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 33:10

Didok Tuhan tu angka bangso i, “Saonnari martindak noma Au. PatuduhononKu ma sanga songon dia godang ni kuasongKu.

MIKA 5:9

Didok Tuhan ma: “Masa ma di hatiha i, pangabisonKu ma angka kudo sian tonga-tongamunu jana ropuhonKu ma angka kudo porangmu.

HAKIM-HAKIM 16:28

Di hatiha i martangiang ma si Simson; didok ia ma, “Ale Tuhan Debata, sai ra ma Ho jolo marningot au. Laing lehen ma jolo hagogoon di au sanoli nari on, o Debata, anso laing tarbaloskon au sakali on pambaenan ni angka halak Pilistin on na mangholuk anak ni matangkon dua-dua.”