MASMUR 10:1 - BIBEL JAMITA NA DENGGAN

¹ Biasi songon i daoMu o Tuhan, jana martabuni Ho taran hami di hasusaan?

MASMUR 10:1 ပူးပေါင်းရင်းမြစ်များ

JOB 13:24

Biasi mandao jana sumisi Ho sian au? Hara ni aha umbaen dietong Ho au musuMu?

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

MASMUR 22:1

Debatangku, Debatangku, biasi ditinggalkon Ho au? Pio-pio au, hape tongtong Ho dao, pangurupiMu nada jungada ro.

MASMUR 27:9

Ulang ma martabuni Ho sian au. Ulang muruk Ho tu au; ulang suru kehe, naposoMu do au on. Angke sai Ho do pangurupi di au on, ulang tadingkon au, ale Debatangku, na paluahon au.

MASMUR 30:7

Angke na denggan do rohaMu tu au, ale Tuhan, diondihon Ho au songon benteng di dolok an. Hape martabuni muse Ho sian jolongku, gabe tarsonggot rohangku.

MASMUR 44:24

Biasi ma martabuni Ho, jana dihalupahon Ho sitaonon dohot hasusaannami on?

MASMUR 44:25

Sarge do hami sude di tano, payak di abuan hara ni na talu.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 88:14

Ale Tuhan, biasi ditulak Ho au jana dipapeol Ho bohimu sian au?

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

JEREMIA 14:9

Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”