MASMUR 1:2 - BIBEL JAMITA NA DENGGAN

² tapi na ringgas patuluskon Tona Ni Tuhan, jana na pahusor-husorkon di bagasan rohana arian dohot bornginna.

MASMUR 1:2 ပူးပေါင်းရင်းမြစ်များ

PAMUNGKAAN 24:63

Sanoli hatiha andospotang ruar ma ia sian bandarnia i laho mardalan-dalan di padang-padang i, jadi diida ia ma ro angka unto.

ESRA 7:10

Madung dipasada si Esra rohania tu na manangkasi Tona Ni Tuhan, laho patuluskonsa lalu mangajarkon sude hatontuan dohot paraturanna i tu bangso Israel.

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

MASMUR 104:34

Sai tumbuk nian endengki di rohaNia angke Ia do mambaen rohangku marmoga-moga.

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 119:1

Martua ma halak na so targora di ngoluna, jana na mardalan mangoloi Tona Ni Tuhan.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 119:35

Sai gomos ma au marsitiopan tu parentaMu, angke martua do au marhite na mangoloisa.

MASMUR 119:72

Ummarga do di au TonaMu ulang pado sude sinadongan na di tano on.

MASMUR 119:92

TonaMu do mual ni hamogaanku sugari nada songon i, ma pola mate au di hasusaanku.

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

MASMUR 88:1

Ale Tuhan Debata sipalua au, sasadari pio-pio do au tu Ho; jana bornginna i ro do au tu adopanMi.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TIMOTEUS 4:15

Situtui ma mangkarejohon i sudena anso sudena halak marnida hamajuanmu.

2 TIMOTEUS 1:3

Tarimakasi ma hudok di Debata na huoloi sian taroktok na ias songon na nibaen ni angka daompung najolo. Jana sai mandok tarimakasi do au tu Debata ganop huingot ho di na martangiang au arian sanga borngin pe.

JOSUA 1:8

Parrohahon ma denggan anso sai tongtong disise buku niuhum i ganop maribadat hamu. Parsiajari ma buku i arian dohot borngin jana dalankon ma sude na tarsurat di bagasan buku i ulang parlayas. Muda dipatulus ho sudena i, sonang ma ngolumu jana maruntung.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,