MASMUR 1:1 - BIBEL JAMITA NA DENGGAN

¹ Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

MASMUR 1:1 ပူးပေါင်းရင်းမြစ်များ

PAMUNGKAAN 49:6

Nada parsidohot au di pokat ni halahi. Angke mamunu do halahi di hatiha ro rimas ni halahi. Diloncingi halahi do lombu palalu-lalu tagas.

PAMUNGKAAN 5:24

Jana sai marpardonganon dohot Debata do ngolunia, dung i nada haidaan be ia, angke madung dibuat Debata ia.

1 RAJA-RAJA 16:31

Nada tuk dope disia ngolu pardosaon songon Raja Jerobeam i, dibuat ia dope si Isebel boru ni Raja Etbaal na sian Sidon, gabe marsomba tu Baal ia.

JOB 10:3

Aha ma labona muda iba dipisat Ho songon on, jana muda diambungkon Ho suha ni karejoMon? Aha ma he na ro muda dihobuk Ho pandapot dohot tahi ni parjahat i?

JOB 21:16

Inda he hara ni gogonta sajo do, umbaen na dapot hita parsintaan dohot tujuan ni rohanta?’ Hapengani anggo au, sanga na bia pe nada satuju disi, di parpikir dohot pandapot na songon i.

JOB 31:5

Marsumpa do au na so unjung hubaen na so tama, na so jungada muse do au manipu tu halak.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

MASMUR 106:3

Martua ma sanga ise na mandalankon angka parentaNia, jana na sai tigor di angka tindakanna.

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 119:115

O hamu parjahat! Morot ma ho sian au! Sai giot momosanku do parenta ni Debatangku.

MASMUR 144:15

Martua ma bangso na dumpang songon i pangalahona, martua ma bangso na marDebatahon Tuhanta!

MASMUR 146:5

Martua ma halak na mangasahon Tuhan Debatana, jana na mardebatahon Debata ni si Jakob, gabe pangurupina.

MASMUR 146:9

Dijagohon Ia do angka halak dagang, angka na mabalu dohot na tinggal menek diurupi Ia, tapi anggo sangkap ni halak na jahat disundati Ia.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 26:12

Dung i sonang ma au, dao sian hamamago, hupuji ma Ho di tonga-tonga ni bangsoMu.

MASMUR 34:8

Ligi jana dai sandiri ma hadengganan ni Tuhan, martua ma sanga ise na maronding tuSia.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 64:2

Ondingi ma au sian pangaroha-rohai ni halak na so hasaya, sian kompolotan ni angka parjahat.

MASMUR 81:12

Gabe Hupadiar noma halahi papir rohana, jana marsibaen roha-rohana.

MASMUR 84:12

Ale Tuhan Na Markuaso, sai martua ma tutu sanga ise na porsaya tu Ho.

PODA 1:15

Ulang ho kehe dohot angka jolma sisongon i, ale anakku! Padao ma dirimu sian halahi.

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 13:15

Hapistaran mangkorhon hasangapan, tapi muda dalan ni parjehe parohon tilako.

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

PODA 19:29

Jolma na oto na ginjang roha pasti do i hona balbalan.

PODA 2:12

jana sundatanna ma ho mangkarejohon na sala, boti muse padaoonna ma ho sian angka jolma na patubu-tubu parbadaan.

PODA 3:34

Dipaila Ia do halak sigincat roha, tapi dipasupasu Ia do halak na toruk roha.

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

PODA 9:12

Muda adong di ho habisuhon, ho sandiri do na maruntung. Tapi muda ho do na manulak habisuhon, ho muse do na marugi.

JEREMIA 15:17

Sai giot oloanku do Ho, jadi hara ni i nada hupasayang hatihangku dohot-dohotan martata-tata jana margonjak-gonjak rap dohot angka jolma, tapi mamunjung do au mardongan pangkilalaan na muruk.

JEREMIA 17:7

Tapi anggo halak na marpos ni roha tu Au sai na pasupasuonKu do i marpupu.

JEHESKIEL 20:18

Tapi sabalikna, Hupaingot ma angka bagian na umposo sian halahi, Hudok songon on, ‘Ulang ma ihutkon hamu angka aturan na nibaen ni angka ompu na umpompar hamu. Ulang tiru hamu hasomalan ni halahi jana ulang ramun baen hamu dirimunu marhite na dohot marsomba angka debata ni halahi.

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

JOHANNES 20:29

Jadi didok Jesus ma tusia, “Hara ni na dung niidami dehe Au umbaen na porsaya ho? Martua ma sanga ise na porsaya tu Au haru so diidasa pe Au!”

SURAT NI SI PAULUS TU PARLAGUTAN ROM 5:2

Markite haporsayaan tuSia muse do hita dapotan dalan masuk tu asi ni roha ni Debata. Di bagasan asi ni roha i do hita mangolu, jana marmoga-moga di bagasan arop ni roha tu hamuliaan ni Debata!

EPESUS 6:13

Hara ni i, saonnari pake hamu ma sasudena sinjata na sian Debata anso muda dapot hatihana ro na jahat i, margogo ma hamu mangalo angka serangan ni musu i. Jana anso lopus tu ujungna dung sidung parjuangan i, laing horas torkis hamu.

PANGARATAION 14:6

sanga na binatang dia na mabola dua sisilonna jana manjampal.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

1 PETRUS 4:3

Tuk ma hatiha na salpu i di na nibaenmunu sanga aha por ni roha ni angka jolma na so mananda Debata. Nada denggan ngolumunu i. Giot-giot ni sibuk do na niihutkonmunu, na mabuk, na marpesta-pesta, na minum-minum dohot na marsomba gana-ganaan, i ma sada parange na niantahan ni Debata.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.