MARKUS 7:9 - BIBEL JAMITA NA DENGGAN

⁹ Dung i didok Jesus dope, “Na maloan hamu pasidingkon na nidok ni Debata anso tarbaen hamu patuluskon podamunu sandiri.

MARKUS 7:9 ပူးပေါင်းရင်းမြစ်များ

MASMUR 119:126

O Tuhan, madung hatihana do tindakan baenonMu, angke nada dioloi halak tona na nipasahatMu.

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

MARKUS 7:13

Jadi hara ni angka aturan na nilehenmunu tu halak na bahat, gabe inda mardalan be angka aturan na nidok ni Debata dibaen hamu. Na bahatan dope angka na songon i dipambaeni hamu.”

MARKUS 7:3

Anggo halak Parise dohot sude halak Jahudi tongtong do halahi mangihutkon adat dohot hasomalan na nipungka ni ompu ni halahi. Na so ra do halahi mangan anggo so jolo marbasu tangan hombar tu aturan-aturan na tontu.

MARKUS 7:5

Jadi gabe disapai angka halak Parise dohot Siboto Surat i ma Jesus, “Hara ni aha dehe dibaen na so diihutkon angka anak siseanMi adat dohot hasomalan na nilehen ni angka ompunta sijolo-jolo tubu i? Biasi manigor marmanganan halahi so jolo ias tanganna?”

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

2 KORINTUS 11:4

Harana sai jop do rohamunu manjagit sanga ise na ro mandapotkon hamu jana mangajarkon Jesus na asing – nada Jesus na hami ajarkon i tu hamu. Jana dijagiti hamu do “Tondi” dohot “Jamita Na Denggan” na tangkas sajo marasing sian Tondi Parbadia dohot sian Jamita Na Denggan na dung nijagitmunu sian hami.

GALATIA 1:14

Anggo taringot tu na mandalankon haporsayaan Jahudi do, husalpui dope sude halak Jahudi na sangoncap dohot au. Marsitutu do au anggo taringot tu angka pangalaho na mardomu tu adat ni angka ompungku.

GALATIA 2:21

Nada huambungkon silehen-lehen ni Debata. Muda gabe denggan do mangulahi parsambungan ni Debata dohot jolma hara ni na nidalankon ni halahi Tona i, antong nada adong be gunana mate Kristus.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.