MARKUS 7:3 - BIBEL JAMITA NA DENGGAN

³ Anggo halak Parise dohot sude halak Jahudi tongtong do halahi mangihutkon adat dohot hasomalan na nipungka ni ompu ni halahi. Na so ra do halahi mangan anggo so jolo marbasu tangan hombar tu aturan-aturan na tontu.

MARKUS 7:3 ပူးပေါင်းရင်းမြစ်များ

MARKUS 7:13

Jadi hara ni angka aturan na nilehenmunu tu halak na bahat, gabe inda mardalan be angka aturan na nidok ni Debata dibaen hamu. Na bahatan dope angka na songon i dipambaeni hamu.”

MARKUS 7:5

Jadi gabe disapai angka halak Parise dohot Siboto Surat i ma Jesus, “Hara ni aha dehe dibaen na so diihutkon angka anak siseanMi adat dohot hasomalan na nilehen ni angka ompunta sijolo-jolo tubu i? Biasi manigor marmanganan halahi so jolo ias tanganna?”

LUKAS 11:38

Homang ma roha ni halak Parise i dung diida Ia manigor mangan Jesus so jolo marbasu tangan.

JOHANNES 2:6

Adong do disi onom gunci ni aek na niparade, i ma sipakeon di na paias dirina halak dohot tu haporluan na asing-asing mangihutkon aturan ni ugamo Jahudi. Muat-muat saratus liter aek ma ganop gunci i.

GALATIA 1:14

Anggo taringot tu na mandalankon haporsayaan Jahudi do, husalpui dope sude halak Jahudi na sangoncap dohot au. Marsitutu do au anggo taringot tu angka pangalaho na mardomu tu adat ni angka ompungku.

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

1 PETRUS 1:18

Angkon botoonmunu do sanga aha na dung digarari laho paluahon hamu sian ngolu na so marguna i na nipateankon ni angka ompungmunu tu hamu. Nada barang na ra sego songon perak sanga sere dibaen panggararna,