MARKUS 4:3 - BIBEL JAMITA NA DENGGAN

³ “Tangihon hamu ma! Adong ma sada halak na kehe manyabur same.

MARKUS 4:3 ပူးပေါင်းရင်းမြစ်များ

MASMUR 34:11

Tangihon ma, sude hamu angka dakdanak, huajari hamu pasangapkon Tuhan.

MASMUR 45:10

O ale boru ni raja, bege jolo hatangku, halupahon ma bangsomu dohot ale-alemu.

PODA 7:24

Hara ni i, ale dakdanak, tangihon ma au. Parrohahon ma angka sipaingotku.

PODA 8:32

Tangihon ma au, ale na poso-poso! Ihutkon ma panogu-noguonku anso martua ho.

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

JESAYA 46:12

Tangihon ma Au, ale angka jolma na jogal, angka halak na dao sian hasintongan:

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

MATEUS 13:24

Dung i dipaboa Jesus ma sada hari umpama tu halak na bahat i songon on, “Anggo Harajaan Ni Banua Ginjang tudos do i tu sada halak partani na manyabur same na denggan di ladangnia.

MATEUS 13:26

Dung mur magodang eme i, marayak boltok ma, tarida ma dohot simareme-eme i.

MATEUS 13:3

Diajarkon Jesus ma tu halahi marragam-ragam pangalaho. Mardongan umpama do dibaen Ia na mangajari i. “Adong ma sada halak partani, na kehe giot manyabur same.” Songon i ma dipungka Jesus caritoNia i.

MARKUS 4:14

Si panyabur i, i do na manyaburkon hata i.

MARKUS 4:2

Bahat do na niajarkon ni Jesus tu halahi mardongan umpama. Angka songon on ma na niajarkonNia i,

MARKUS 4:23

Barang ise na marpinggol laho marbinege, ditangihon ia ma!”

MARKUS 4:4

Jadi hatiha na manyabur i ia, adong ma same i na madabu tu topi-topi ni dalan i. Jadi marroan ma angka unggas abis ma dipapangani angka same i.

MARKUS 4:9

Dung sidung dipaboa Jesus umpama i, didok Ia ma, “Sanga ise na marpinggol laho marbinege, ditangihon ia ma!”

BAENON NI ANGKA RASUL 2:14

Dung i jongjong ma si Petrus rap dohot rasul na sabolas nari i, mandok hata tu halak na bahat i, dipagogo ia ma sorania mandok, “Hamu angka dongan, halak Jahudi bope sude na maringanan di Jerusalem! Tangkas ma parrohahon hamu angke porlu do patorangonku tu hamu pangalaho on.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

HALUMBAAN 2:11

Ditangihon na marpinggol i ma na nidok ni Tondi i tu angka parlagutan i! Di na monang i do lehenonKu mangan sian manna na buni, jana lehenonKu ma disia batu na bontar.”

HALUMBAAN 2:29

Ditangihon na marpinggol i ma na nidok ni Tondi i tu angka parlagutan i!”

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”