MARKUS 3:3 - BIBEL JAMITA NA DENGGAN

³ Didok Jesus ma tu na mate i tanganna sabariba, “Di tonga-tonga on ma ho jongjong.”

MARKUS 3:3 ပူးပေါင်းရင်းမြစ်များ

JESAYA 42:4

Nada mose ia sanga malapat, lopus dipajongjong ia tona di tano on; sude pulo manghalungunkon pangajaranna.”

DANIEL 6:10

Jadi diteken Raja Darius ma surat parenta i.

MATEUS 12:10

Adong ma disi sada halak na mate tanganna sabariba. Jadi disapai halak na manjalak-jalahi hasalaan ni Jesus ma Ia, “Atehe tola do pamalumon halak di hatiha Ari Sabat?”

MARKUS 3:2

Topet muse adong disi halak na giot manjalahi hasalaan ni Jesus, anso taraduhon halahi Ia. Jadi torus ma sai diparate-atehon halahi Jesus sanga na ra do Ia pamalumkon hatiha Ari Sabat.

MARKUS 3:4

Jadi disapai Ia ma angka halak na disi i, “Mangihutkon ugamonta, aha do na tola baenonta di Ari Sabat? Mambaen na denggan do sanga mambaen na jahat? Manolong halak do sanga mangago halak?” Tapi sip sajo do halahi.

LUKAS 6:8

Hape diboto Jesus do pikiran ni halahi i. Gabe didok Ia ma tu na mate tanganna sabariba i, “Ngot ma ho jana, jongjong ma ho di tonga-tonga!” Jongjong ma bayo i disi.

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

PILIPPI 1:14

Jana dung di bagasan hurungan on au, gabe bahatan ma angka dongan sahaporsayaan gabe mur marpos ni roha tu Tuhan, mambaen halahi gabe mur puluk manjamitahon hata ni Debata so pola mardongan biar.

1 PETRUS 4:1

Dibaen madung manaon parkancitan Kristus mangihutkon parsibuhon, hamu pe angkon laing papironmunu do rohamunu dohot parngoluan na songon i. Angke sanga ise na manaon mangihutkon pangkilalaan parsibuhon, nada ra be i mambaen dosa.