MARKUS 2:2 - BIBEL JAMITA NA DENGGAN

² Marroan ma bahat halak. Marrongoman halahi sude disi lopus gabe so adong be na hasiatan. Lalu tu pintu i pe sompit sude halak. Dung i dipabolkas Jesus ma tu halahi barita na sian Debata.

MARKUS 2:2 ပူးပေါင်းရင်းမြစ်များ

MASMUR 40:9

Di parpunguan ni bangsoMu hupajojor-jojor do jamita na denggan salaho tu haluaan na nilehenMu. Nada marnamantak i hupabotohon, diboto Ho do i sudena da Tuhan.

MATEUS 5:2

Dipungka Ia ma mangajari halahi.

MARKUS 1:14

Dung tarhurung si Johannes, kehe ma Jesus tu Galilea. Dijamitahon Ia ma disi Jamita Na Denggan na sian Debata.

MARKUS 1:33

Marrongoman ma na sakota i di jolo ni bagas i.

MARKUS 1:37

Dung marsuo halahi dohot Ia didok halahi ma, “Ma sude halak manjalahi Guru i.”

MARKUS 1:45

Jadi kehe ma bayo i. Tapi dipupu ia ma na paboa-boahon barita i tu jae tu julu, gabe nada tarbaen Jesus be torang masuk tu kota i. Di balian noma Ia di inganan na lungun-lungun i. Tapi haru songon i pe, laing marroan do halak mandapotkon Ia sanga na sian dia i.

MARKUS 2:1

Dung adong piga-piga ari, mangulahi ma Jesus tu Kapernaum. Tarboto ma tu halak hape na dung di bagasan bagas do Ia.

MARKUS 2:13

Mangulahi ma Jesus tu topi ni Dano Galilea. Marroan ma bahat halak mandapotkon Ia. Diajari Ia ma halahi.

MARKUS 6:34

Jadi dung mijur Jesus sian parau i, diida Ia ma, hape ma disi halak na bahat i. Ibo ma rohaNia mida halahi angke songon biri-biri na so diparmahani do halahi diida Ia. Ia pe antong mamungka ma mangajari halahi. Bahat do na niajarkonNia tu halahi.

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

LUKAS 5:17

Di sada hatiha, dompak mangajari Jesus, ro ma halak Parise dohot angka Siboto Surat juguk disi. Sian angka kota na di Galilea, Judea dohot Jerusalem do halahi ro. Adong do kuaso ni Tuhan Jesus laho pamalumkon angka na marnyae.

LUKAS 8:1

Nada sadia honok dung i, mardalani ma Jesus tu angka kota dohot huta-huta i. Dijamitahon Ia ma disi Jamita Na Denggan taringot tu Harajaan Ni Debata. Dohot ma dua bolas halak siseanNia i laho mandongani Ia.

LUKAS 8:11

“Ondo astuan ni umpama i: Same i, i ma hata ni Debata.

BAENON NI ANGKA RASUL 11:19

Dung hona bunu si Stefanus, mamungka ma diayak-ayak sanga ise na porsaya tu Jesus, jana gabe marserak ma halahi sanga na tu dia. Adong ma na kehe lalu tu Punisia, adong muse ma na lalu tu Siprus dohot Antiokia. Hum tu halak Jahudi do dijamitahon halahi barita na sian Debata i.

BAENON NI ANGKA RASUL 14:25

Jadi dung dijamitahon halahi hata ni Debata di Perga, kehe ma halahi tu Atalia,

BAENON NI ANGKA RASUL 16:6

Nada dipatola Tondi Parbadia pararaton ni si Paulus dohot si Silas hata ni Debata anggo di Asia. Jadi tu Prigia dohot tu Galatia noma dipatorus halahi mardalan.

BAENON NI ANGKA RASUL 8:25

Dung dilehen halahi hasaksian dohot jamita na sian hata ni Tuhan i, mulak ma si Petrus dohot si Johannes mangulahi tu Jerusalem. Di tonga dalan i dijamitahon halahi ma Jamita Na Denggan i di angka huta ni halak Samaria.

SURAT NI SI PAULUS TU PARLAGUTAN ROM 10:8

Tapi aha do na nidok ni i? On do, “Na donok do Hata i tu ho, i ma di bagasan pamanganmu dohot di bagasan rohamu.”

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.