LUKAS 9:7 - BIBEL JAMITA NA DENGGAN

⁷ Dibege si Herodes, gubernur ni Galilea ma taringot tu sude na masa i, gabe sak ma rohania. Harana adong do halak na mandok, “Madung mulak mangolu si Johannes Pandidi!”

LUKAS 9:7 ပူးပေါင်းရင်းမြစ်များ

MASMUR 73:19

Maronco halahi di bagasan sangkinidop mata, jorbut ma da hasidunganna.

JESAYA 22:5

Tutu nian na dung ditontuhon Tuhan, Tuhan Na Markuaso i do ari on gabe ari hataluan, dohot hagaoron di Rura Halumbaan. Madung dirumpakkon angka tembok ni kota. Marsaringar ma habegean sora ni angguk na mangido tolong di angka dolok.”

MIKA 7:4

Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!

MATEUS 11:2

Dibege si Johannes Pandidi na tarhurung i do taringot tu pambaenan ni Jesus Kristus. Gabe disuruhon ia ma angka anak siseannia laho manyapai Jesus songon on,

MARKUS 8:28

Jadi dialusi halahi ma, “Adong na mandok, si Johannes Pandidi do Ho. Adong muse na mandok si Elia. Tapi deba nari mandok, sahalak sian angka panurirang i do Ho.”

LUKAS 13:31

Laing di hatiha i, adong ma marroan angka halak Parise tu Jesus, mandok, “Ulang Ho maringanan dison! Morot ma Ho tu inganan na asing, angke giot bunuon ni si Herodes ma Ho.”

LUKAS 21:25

“Saulahon adong ma angka tanda tarida di mataniari, di bulan dohot di angka bintang i. Di tano on pe hempot be ma angka bangso jana mabiar be hara ni husasak dohot ombak ni laut.

LUKAS 23:7

Jadi dung diboto ia na marasal sian Luat Galilea do Jesus, i ma luat na masuk tu kuaso ni si Herodes, disuru oban si Latus ma Jesus tu si Herodes na topet di Jerusalem hatiha i.

LUKAS 3:1

Di taon palima bolaskon dung mamarenta Kesar Tiberius, si Pontius Pilatus ma na gabe gubernur di Judea, jana si Herodes mamarenta di Galilea. Si Pilipus dongan saama ni si Herodes mamarenta di Luat Iturea dohot Trakhonitis, jana si Lisanias mamarenta di Abilene.

LUKAS 9:19

Dialusi halahi ma, “Si Johannes Pandidi do Ho. Tapi adong muse do na mandok, si Elia do Ho. Laing adong muse dope na mandok, sahalak sian angka panurirang narobi na mulak mangolu do Ho.”