LUKAS 9:56 - BIBEL JAMITA NA DENGGAN

⁵⁶ Dung i gabe tu huta na asing ma halahi kehe.

LUKAS 9:56 ပူးပေါင်းရင်းမြစ်များ

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 18:11

Harana, laho paluahon halak na lilu do umbaen na ro Anak Ni Jolma i!]

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

MATEUS 5:39

Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.

LUKAS 19:10

Angke na giot manjalahi dohot paluahon angka halak na lilu do umbaen na ro Anak Ni Jolma i.”

LUKAS 22:51

Tapi didok Jesus ma, “Madung i!” Dung i dijama Ia ma pinggolna i jana dipamalum Ia.

LUKAS 23:34

Dung i martangiang ma Jesus, “Ale Amang, sesa ma hasalaan ni halahi! Angke nada diboto halahi sanga aha na nibaen ni halahi.”

LUKAS 9:55

Ditailihon Jesus ma tu pudi, dimuruhi Ia ma halahi.

LUKAS 9:57

Dompak na patoruskon sidalanan i Jesus dohot angka siseanNia i, adong ma sada halak na mandok tu Jesus. “Ihutkononku do Guru i, sanga tu dia pe kehe Guru i!”

JOHANNES 10:10

Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”

JOHANNES 12:47

Sanga ise na manangihon pangajaranKu tapi nada diihutkon Ia nada Au na manguhumisa. Angke nada na giot manguhumi portibi on umbaen na ro Au, tapi na giot paluahon do.

JOHANNES 3:17

Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

SURAT NI SI PAULUS TU PARLAGUTAN ROM 12:21

Ulang ma padiar hamu dirimunu ditaluhon na jat i, tapi taluhon hamu ma hajahatan i markite-hite hadengganan.

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.