LUKAS 9:55 - BIBEL JAMITA NA DENGGAN

⁵⁵ Ditailihon Jesus ma tu pudi, dimuruhi Ia ma halahi.

LUKAS 9:55 ပူးပေါင်းရင်းမြစ်များ

2 SAMUEL 19:22

Tapi mangkuling ma si Daud tu si Abisai dohot si Joab, mandok, “Ulang manganto-antoi hamu. Biasi arsahanmunu au? Di ari sadari on mulak au gabe raja di Israel, jana nada adong tola halak Israel na mate hona uhum.”

JOB 2:10

Dialusi si Job ma, “Songon halak na bodo do pangkulingmu! Bia do parjadi ni i hum na denggan sajo jagitonta sian Debata, hape muda na jat tulahonta?” Jadi, haru pe dibolus si Job sude sitaonon i, nada adong didok ia hata na mangalo Debata.

JOB 26:4

Ise ma he na ra manangihon na nidokmi sude? Ise manuturi ho mandok hata songon i na lipe?”

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

PODA 9:8

Ulang paingot halak pangincahi, gabe goyak do rohania mida ho. Tapi anggo halak na marroha, muda dipatuduhon ho hasalaanna, gabe argaannia do ho.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MATEUS 26:33

Didok si Petrus ma tu Jesus, “Haru sude pe halahi maninggalkon Ho Tuhan, anggo au bagi na bia pe nada hutinggalkon Ho!”

MATEUS 26:41

Jonggor ma hamu, martangiang bage hamu anso ulang talu hamu dibaen pandugaan i. Denggan do nian anggo roha ni jolma, tapi gale do pamatang.”

MATEUS 26:51

Ro ma sahalak sian anak sisean ni Jesus na disi i, manyintak podangnia. Ditampul ia ma naposo ni Malim Godang i dohot podangnia i. Ramping pinggol i.

LUKAS 9:54

Jadi dung diboto angka sisean ni Jesus, i ma si Jakobus dohot si Johannes pangalaho na songon i, gabe didok halahi ma, “Bia do Tuhan, ra do Ho muda hami pangido anso madabu api sian langit manyurbu sude halak na sahuta on?”

LUKAS 9:56

Dung i gabe tu huta na asing ma halahi kehe.

JOHANNES 16:9

PabotohononNia ma bahaso dosa do muda laing so porsaya halahi tu Au,

JAKOBUS 3:10

Sian pamangan na sada i haruar do angka hata pasupasu jana dohot muse angka hata bura. Nada tola songon i hamu ale angka dongan!

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.