LUKAS 9:48 - BIBEL JAMITA NA DENGGAN

⁴⁸ Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

LUKAS 9:48 ပူးပေါင်းရင်းမြစ်များ

PODA 18:12

Muli madabu do halak na gakgak halak na toruk roha dapotan sangap.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 18:14

Laing songon i muse ma Amangmunu na di banua ginjang i, nada por rohaNia muda adong na lilu sahalak pe sian angka na menek on.”

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 25:45

Alusan ni Raja i ma, ‘Tangkas ma jolo tangihon hamu: Di na so ra hamu mangurupi sahalak sian na umdangol on, etongon na so ra do hamu mangurupi Au.’

MARKUS 9:37

“Sanga ise na manjagit dakdanak na songon on hara ni Au, na manjagit Au do i. Dung i, sanga ise na manjagit Au, nada Au sajo na nijagitnia disi tapi dohot muse do dijagit ia Debata na marsuru Au.”

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

LUKAS 22:26

Tapi anggo hamu ulang ma songon i. Sabalikna do, halak na gumodang sian hamu angkon gabe ummenek do, jana giot gabe pamimpin angkon gabe songon pangoloi.

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

LUKAS 7:28

“Ingot hamu ma on, sian sude halak na jungada mangolu di tano on, nada adong be na gumodang sian si Johannes Pandidi. Tapi halak na ummenek di bagasan Harajaan Ni Debata, gumodangan dope i sian si Johannes Pandidi.”

JOHANNES 13:20

Tutu do na Hudok on tu hamu: Sanga ise na manjagit suruanKu, na manjagit Au do i. Sanga ise na manjagit Au, Debata na marsuru Au do na nijagitna disi.”

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

1 PETRUS 5:6

Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.

HALUMBAAN 21:14

Di ginjang ni dua bolas batu ojahan do dipajongjong tembok ni kota i. Tarsurat do angka goar ni rasul ni Anak Ni Biri-biri i, i ma sidua bolas halak i di angka batu ojahan i.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.