LUKAS 8:8 - BIBEL JAMITA NA DENGGAN

⁸ Tapi adong muse do same na madabu tu tano na napu, gabe tubu ma i jana marsuha ma saratus lompit.” Dung i dipaujung Jesus ma umpamania i songon on, “Sanga ise na marpinggol laho marbinege, ditangihon ia ma!”

LUKAS 8:8 ပူးပေါင်းရင်းမြစ်များ

PAMUNGKAAN 26:12

Disabur si Ishak ma same ni suan-suanan di luat i, jana di bagasan taon i dapot ia ma suhana saratus lompit sian na nisaburnia i, dibaen dipasupasu Tuhan do ia.

PODA 20:12

Dilehen Tuhan do di hita mata laho mangaligi, dohot pinggol laho marbinege.

PODA 8:1

Tangihon ma! Pio-pio do habisuhon, dipatubegehon hapistaran do soarana.

JEREMIA 13:15

Ale halak Israel, madung didok Tuhan, ulang ginjang rohamu, tangihon ma tuSia!

JEREMIA 25:4

Nada ra hamu manangihon sanga mamparrohahon, haru pe nian marpupu disuru Tuhan tu hamu angka panurirang, angka naposoNia.

MATEUS 11:15

Jadi muda na adong do pinggolmunu laho manangihon, tangihon hamu ma!

MATEUS 13:23

Dung i anggo same na disabur tu tano na napu i, i ma tarsongon halak na umbege jamita i, tangkas diastui ia. Ramos ma parbatuna. Adong ma i na saratus lompit bahatna. Adong na onom pulu lompit bahatna. Adong na tolu pulu lompit bahatna sian same na parjolo i.”

MARKUS 4:20

Same na nisabur di tano na napu i, i ma tarsongon angka na manangihon hata i, jana laing dijagit rohana. Tarida ma parbatuna. Adong na tolu pulu lompit, adong muse na onom pulu lompit. Jana adong ma na sampe saratus lompit suhana.”

MARKUS 4:23

Barang ise na marpinggol laho marbinege, ditangihon ia ma!”

MARKUS 4:8

Tapi adong muse do na madabu tu tano na napu. Martubuan ma same i, lopus magodang lalu marbatu ramos. Adong na tolu pulu lompit suhana, adong na onom pulu, adong muse dope na saratus lompit.”

MARKUS 7:16

Sanga ise na marpinggol laho marbinege, ditangihon ia ma.]”

LUKAS 14:35

Nada adong muse be guna ni i. Tu ladang pe nada marguna, jana gabe napu pe nada marguna. Ambungkonon ni halak sajo noma sira na songon i. Barang ise na marpinggol laho marbinege, ditangihon ia ma!”

LUKAS 8:15

Same na madabu tu tano na napu i, i ma manggambarkon angka halak na umbege hata i, jana na manjagohon sadenggan-dengganna di bagasan roha ni halahi. Burju do halahi jana sobar, gabe tulus ma marbatuhon parbatu na denggan.”

LUKAS 8:7

Adong muse ma same i na madabu tu tonga-tonga ni angka duri. Mur magodang ma angka duri i rap dohot angka same na tubu i.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

HALUMBAAN 13:9

Barang ise na marpinggol, ditangihon ia ma!

HALUMBAAN 2:11

Ditangihon na marpinggol i ma na nidok ni Tondi i tu angka parlagutan i! Di na monang i do lehenonKu mangan sian manna na buni, jana lehenonKu ma disia batu na bontar.”

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

HALUMBAAN 3:13

Ditangihon na marpinggol i ma na nidok ni Tondi i tu angka parlagutan i!”

HALUMBAAN 3:6

Ditangihon na marpinggol i ma na nidok ni Tondi i tu angka parlagutan i!”