LUKAS 8:54 - BIBEL JAMITA NA DENGGAN

⁵⁴ Dung i digolom Jesus ma tangan ni dakdanak i, ning Ia ma, “Ngot ma ho inang!”

LUKAS 8:54 ပူးပေါင်းရင်းမြစ်များ

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

MATEUS 9:25

Dung dipaorot Jesus halahi, masuk ma Jesus tu bilik inganan ni dakdanak i, digolom Ia ma tanganna i. Jadi jongjong ma dakdanak i.

MARKUS 1:31

Didapotkon Jesus ma nantulang ni si Simon i. Ditogu Ia ma tanganna i laho mangurupi jongjong. Mago ma arun i, ia pe markobas ma paturehon panganan ni halahi.

MARKUS 8:23

Gabe ditiop Jesus ma tangan ni na mapitung i, dung i ditogu Ia ma tu balian ni kota i. Dung i ditijuri Jesus ma mata ni na mapitung i, dipayakkon Ia ma tanganNia tu ginjang ni uluna i. Disapai Ia ma tu bayo i, “Ma adong he diida ho sanga aha saonnari?”

MARKUS 9:27

Tapi ditogu Jesus ma tanganna i laho pajongjong ia. Jadi jongjong ma dakdanak i.

LUKAS 8:51

Dung lalu Jesus tu bagas ni si Jairus, nada dipatola Jesus umpe sahalak masuk rap dohot Ia; hum si Petrus, si Johannes, si Jakobus dohot natoras ni dakdanak i sajo ma na dipaloas masuk.

LUKAS 8:53

Gabe dipartatai halahi ma Jesus, angke tangkas do diboto halahi na dung mate dakdanak i.

LUKAS 8:55

Mangolu ma dakdanak i, jana manigor jongjong. Dung i disuru Jesus ma halahi mangalehen mangan tu dakdanak i.

JOHANNES 11:43

Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia.

JOHANNES 5:21

Songon Damang na manyungguli halak na mate, jana dilehen Ia hangoluan tu halahi; laing songon i muse ma Anak i mangalehon ngolu tu halak, sanga ise giot ni rohaNia.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.

SURAT NI SI PAULUS TU PARLAGUTAN ROM 4:17

songon na tarsurat i, “Madung Hupabangkit ho gabe ompu ni bahat bangso.” Songon i ma porsaya si Abraham tu Debata, i ma Debata na pangoluhon halak na mate; jana na mambaen na so adong hian gabe adong hum markite-hite hataNia sajo.