LUKAS 8:35 - BIBEL JAMITA NA DENGGAN

³⁵ Markehean ma halak giot mangaligi sanga aha na masa i. Didapotkon halahi ma Jesus, dung i diida halahi ma disi bayo na nitadingkon ni tondi na jahat i juguk di lambung pat ni Jesus. Madung denggan ia marpakean, pikirannia pe madung torang. Gabe mabiar ma halahi sude.

LUKAS 8:35 ပူးပေါင်းရင်းမြစ်များ

MASMUR 51:10

Tompa ma roha na polin di au, ale Debata, paimbaru ma rohangku di bagasan dohot tondi na marsihohot.

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MARKUS 5:15

Didapotkon halahi ma Jesus, diida halahi ma dohot bayo nangkin na nisonggopan ni setan i juguk disi. Ma marpakean ia, pikirannia pe ma denggan. Gabe mabiar ma halahi sude.

LUKAS 10:39

Adong do anggi ni si Marta, na margoar si Maria. Juguk sajo ma si Maria di lambung pat ni Jesus manangihon pangajaranNia.

LUKAS 15:17

Ujungna sadar ma ia, didok ia ma, ‘Sai bahat angka parkarejo na lobian sipanganon di jolo ni damang hape anggo au mate tangkuraparon ma dison!

LUKAS 2:46

Dung tolu ari dijalahi halahi, dohot halahi ma Ia juguk-juguk manangihon dohot manyapa-nyapai angka Siboto Surat Jahudi di Bagas Ni Debata.

LUKAS 8:27

Dung mijur Jesus tu darat, didapotkon sada bayo na hona tondi na jahat ma Ia. Na ro sian kota i do bayo i. Honok ma nada ra marpakean jana nada ra tinggal di bagas bayo i. Hum na di liang ni kuburan ma ia.

LUKAS 8:34

Diida angka parmahan babi i ma na masa i. Gabe marlojongi ma halahi tu kota dohot tu huta na humaliang i, dicaritohon halahi ma sudena i.

BAENON NI ANGKA RASUL 22:3

“Halak Jahudi do au, di Tarsus na di Luat Kilikia do au sorang, tapi di Jerusalem on do au magodang jana tangkas do diajari guru godang Gamaliel au taringot tu Tona na nilehen tu angka ompungta. Songon dia haburjuonmunu dison sadarion hamu ale angka dongan, laing songon i do au burju mangoloi Debata.

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.