LUKAS 8:18 - BIBEL JAMITA NA DENGGAN

¹⁸ Antong parrohahon hamu ma tangkas sanga songon dia parbinegemunu. Angka halak na dung marnampuna, nitambaan muse dope disia. Tapi halak na so adong diha-dihana, dibuat muse dope sian ia sanga aha na nietongnia adong disia.”

LUKAS 8:18 ပူးပေါင်းရင်းမြစ်များ

PODA 14:12

Adong do dalan diambang halak tu hangoluan, hapengani dalan laho tu hamatean.

MATEUS 13:12

Tu halak na maradong mur ditambai, anso mur bahat sajo. Tapi anggo tu halak na so maradong, dibuat muse noma sian ia na saotik i.

MATEUS 25:29

Angke tu halak na maradong umbahat dope lehenon, lopus marlobi-lobi ia. Tapi anggo halak na so maradong, na adong saotik na disia i, nibuat muse ma i sian ia.

MARKUS 13:14

“Muda diida hamu ‘Hajahatan Na Mangaroncohon’ jongjong di inganan na so patut. (Sanga ise na mamasa on: Astui hamu ma sanga aha na nidok on!) Angka halak na di Judea di hatiha i, gumonan ma marlojong tu dolok.

LUKAS 19:26

Dialusi raja i ma, ‘Hudok ma di hamu: Halak na maradong, lehenon muse dope tusia umbahat. Tapi anggo halak na so maradong, dibuat muse dope sian ia na adong disia.

LUKAS 9:44

“Tangkas ma parrohahon hamu na Hudok on: Pasahaton ma Anak Ni Jolma i tu kuaso ni jolma.”

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

BAENON NI ANGKA RASUL 10:33

Hara ni i do umbaen na husuru manigor halak mangalap tuan i. Jana songon i ma burju ni rohamu ro tuson. Saonnari madung lagut hami dison, di adopan ni Debata laho umbege sudena na nitonahon ni Tuhan tu ho.”

BAENON NI ANGKA RASUL 17:11

Umburju do roha ni halak Berea ulang pado halak na di Tessalonika. Jop do roha ni halahi umbege barita taringot tu Jesus, jana ganop ari do dipareso-reso halahi Buku Na Badia i laho patangkaskon sanga na tutu do na niajarkon ni si Paulus.

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

1 KORINTUS 14:37

Betak sai adong halak na mangkilala dirina maruli silehen-lehen laho manyurirangi sanga maruli ia di silehen-lehen na asing sian Tondi i, angkon tangkas ma botoon ni halakna i, parenta ni Tuhan do sanga aha na husuratkon on.

1 KORINTUS 3:18

Ulang ma adong sanga ise na paoto-oto dirina. Sanga ise sian hamu na mangetong dirina na bisuk mangihutkon parsuhatan ni portibi on, angkon jadi oto do ia, baru pe anso tutu ia na bisuk.

1 KORINTUS 8:2

Sanga ise na mangetong dirina na dung bahat na binotona, anggo satutuna na so binotonia dope i sabagas-bagasna.

PILIPPI 3:4

Nian tarbaen au do marguru tu angka upacara i. Angke sugari adong halak na mandok di bagasan rohana tarbaen ia marguru tu angka upacara i ia, mur au ma.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.