LUKAS 7:38 - BIBEL JAMITA NA DENGGAN

³⁸ Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.

LUKAS 7:38 ပူးပေါင်းရင်းမြစ်များ

PAMUNGKAAN 18:4

Paloas hamu ma jolo au laho mangalap aek pamasu ni patmunu, jana di toru ni hayu on ma hamu jolo marsilaung maradian.

ESRA 10:1

Jadi taran na martangiang i si Esra lalu na tangis ia mangaku dosa di Bagas Ni Tuhan i, bahat sajo do halak Israel ro marlagut, halaklahi bope dadaboru dohot angka dakdanak. Dihuliangi halahi ma ia lalu tangis mangangguhi.

MASMUR 38:18

Huoku do hasalaanku, marsak rohangku hara ni angka dosangku.

MASMUR 51:17

Anggo haul na tabo di Ho, ale Debata, i ma roha na magopu, roha na unduk jana na muba nada ditulak Ho.

PARJAMITA 9:8

Padiar ma jeges bohimu jana tata.

ENDE NA GODANG 1:3

Muab na huskus situtu do miakmu, songon miak wangi na marserak do goarmu. Hara ni i, holong do roha ni sude bujing-bujing tu ho!

JESAYA 57:9

Maroban miak na huskus do hamu mangadop Debata Molok, jana marragam angka na huskus; disuru ho do kehe angka suruanmu tu luat na dao, jana lalu tu banua toru inganan ni na mate.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

JOEL 2:12

Didok Tuhan ma, “Tapi anggo saonnari, sian sandok roha mulak ma tu Au mangulahi, lalu puaso, tangis jana marsak.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 5:4

Martua ma halak na marsak roha; angke na giot apoan do roha ni halahi.

LUKAS 22:62

Jadi haruar ma si Petrus sian i, jana tangis panguncombopon.

LUKAS 6:21

Martua ma hamu na male saonnari, harana pabutongon ma hamu muse! Martua ma hamu angka na tangis saonnari, harana gabe martata ma hamu muse!

LUKAS 7:37

Adong muse do di kota i sada dadaboru pardosa. Jadi dung tarbege tusia ro Jesus jana topet mangan di bagas ni halak Parise, ro ma ia maroban sada galas pualam na marisi miak na huskus.

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

JOHANNES 11:2

Si Maria ma halakna na manduruskon miak na huskus i tu pat ni Tuhan i jana mangapusina dohot obuknia. Ibotonia ma si Lasarus na marnyae i.)

JAKOBUS 4:9

Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!