LUKAS 6:6 - BIBEL JAMITA NA DENGGAN

⁶ Di Ari Sabat na asing muse, kehe ma Jesus mangajari di bagas paribadatan. Adong ma disi sada halak na mate tangan siamunna.

LUKAS 6:6 ပူးပေါင်းရင်းမြစ်များ

1 RAJA-RAJA 13:4

Di na nibege ni si Jerobeam hata i, ditudu ia ma tu panurirang i jana marsurak ma ia mandok, “Tangkup i!” Tapi manigor toltol ma tangan ni si Jerobeam gabe nada tartarik ia be mangulahi.

ZAKARIA 11:17

Hona bura ma parmahan na so hasaya i. Ditadingkon ia do punguan ni biri-birinia. Paujungon ni porang ma kuasonia. Gabe gale ma tanganna i jana mapitung ma matana siamun i.”

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

LUKAS 13:10

Di sada hatiha mangajari ma Jesus di bagasan Sinagoge, topet di Ari Sabat.

LUKAS 14:3

Marsapa ma Jesus tu angka Siboto Surat dohot angka halak Parise na adong disi, “Mangihutkon ugamo Jahudi, tola dehe halak pamalum na marnyae di Ari Sabat?”

LUKAS 4:16

Dung i kehe ma Jesus tu Nasaret kota hagodanganNia. Hatiha Ari Sabat songon na somal dohot ma Ia tu bagas paribadatan. Hatiha jongjong Ia laho mamasa Buku Na Badia i,

LUKAS 4:31

Dung i kehe ma Jesus tu Kapernaum na di Galilea. Hatiha Ari Sabat diajari Ia ma halak disi.

LUKAS 6:1

Di sada hatiha, dompak Ari Sabat, mamolus ma Jesus di ladang gandum, jadi digotil anak siseanNia ma angka gandum, di puyu-puyu jana dipangan halahi ma i.

LUKAS 6:5

Dung i didok Jesus ma tu halahi, “Anggo Anak Ni Jolma i Tuhan ni Ari Sabat do!”

JOHANNES 5:3

Bahat do angka na marnyae marmodoman disi; adong na mapitung, adong na timpang, adong muse na pangpangon. [Sudena halahi painte-intehon panggulsak ni aek i.

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.