LUKAS 6:49 - BIBEL JAMITA NA DENGGAN

⁴⁹ Tapi anggo halak na umbege hatangKi hape nada dipatulus ia, tudos ma halak sisongon i tu na pajongjong bagas di ginjang ni tano na so marojahan. Muda masa banjir manondong bagas i, nada pola maol unggal bagas i jana manigor ropuk do parsegona!”

LUKAS 6:49 ပူးပေါင်းရင်းမြစ်များ

PODA 28:18

Martua do di ngoluna halak na tigor madabu do ompot halak na so tigor.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

HOSEA 4:14

Tapi nada uhumonKu halahi hara ni i, angke hamu sandiri pe kehe do tu angka panggampang na markarejo di angka bagas parsombaan, jana dihaulkon hamu do haul tu debata rap dohot halahi. Tutu situtu ma da na nidok ni pandohan on, ‘Jana bangso na so marpangastuion angkon maronco.’

MATEUS 23:3

Hara ni i, angkon oloanmu jana ihutkononmunu do sude na nisuruhon ni halahi baenonmunu. Tapi ulang baen hamu songon na nibaen ni halahi. Harana nada didalankon halahi na niajarkon ni halahi.

MATEUS 24:10

Jadi anggo disi, bahat ma halak na so burju be tu Au.

MARKUS 4:17

Tapi nada jabat bagas dope di roha ni halahi, gabe nada tahan honok disi. Muda masa hasusaan sanga siksaan hara ni hata i, manigor marbalik ma halahi.

LUKAS 12:47

Naposo na umboto hagiot ni tuanna, hape nada hobas ia jana nada dibaen ia hagiot ni tuannia i, sisambohon do i sagogona.

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

LUKAS 6:46

“Biasi dipio hamu Au, ‘Tuhan, Tuhan,’ hape so dioloi hamu na Hudok tu hamu?

LUKAS 6:48

Songon na pajongjong bagas do i: Na mangkuar tano i bagas-bagas jana mambaen ojahanna di batu. Di na ro banjir ditondong aek magodang ma bagas i, nada tarunggalkon banjir bagas i, harana di ginjang ni ojahan na denggan do dipajongjong bagas i.

LUKAS 7:1

Dung sidung didok Jesus hataNia sudena i tu halak na bahat i, kehe ma Ia tu Kapernaum.

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

BAENON NI ANGKA RASUL 20:29

Angke disi kehe au, marroan ma angka sorigala panyoro tu tonga-tongamunu. Jana halak na nijagoanmunu i, i ma na giot soroon ni angka sorigala i.

BAENON NI ANGKA RASUL 26:11

Jotjot do huparkanciti halahi di angka bagas paribadatan, jana hupaksa halahi mansoadahon na nihaporsayaan ni halahi. Hara ni goyak ni rohangku paida-ida halahi, hukojar-kojar do halahi lopus tu kota na asing.”

1 TESSALONIKA 3:5

Jadi dung so tartaon be lungunna, gabe husuru ma si Timoteus, anso huboto sanga na bia pangalaho ni haporsayaanmunu. Songon na ganggu do rohangku betak na nigoda ni tukang goda i do hamu, gabe sayang sude halojaonnami i.

2 PETRUS 2:20

Muda dung ditanda sanga ise Tuhan i dohot Sipaluanta, Jesus Kristus i, jana hara ni i madung malua ia sian angka na marpardomuan tu portibi on na manyegohon parange ni jolma, hape tarjorat muse ia mangulahi jana ditaluhon angka pangalaho ni portibi on, ujungna gabe jumatjat dope na masa tusia ulang pado na parjolo i.

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.