LUKAS 6:45 - BIBEL JAMITA NA DENGGAN

⁴⁵ Sada halak na denggan sai pangalaho na denggan do ro sian i, i ma simpan-simpanan na adong di bagasan ate-ate na denggan. Tapi sada halak na jahat sai pangalaho na jat do ruar sian i, i ma simpan-simpanan na di bagasan ate-ate na jat i. Angke sanga aha na manggohi roha ni jolma di bagasan ate-atena, sai i do dipardokkoni.”

LUKAS 6:45 ပူးပေါင်းရင်းမြစ်များ

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

MASMUR 59:12

Angke mardosa do halahi hara ni pamanganna, marhite angka hata na nipardokkonanna. Padiar ma tardapot halahi di ginjang ni rohana, angke sai na giot mamurai do halahi dohot na margabusi.

MASMUR 59:7

Torus do halahi manjalahi sindir dohot mangalayasi, hata ni halahi maradu tajom songon podang, diambang halahi na so adong na umbegesa.

PODA 12:18

Hata rarat bolas songon podang mambaen roha mabugang; hata na bisuk tudos tu ubat na mambaen hamaluman.

PODA 15:23

Denggan ma da sude hata na dipajojor topet di hatihana!

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

JOHANNES 7:38

Tarsurat do di Buku Na Badia i songon on, ‘Sanga ise na porsaya di Au, mabaor do angka batang aek na mangalehen ngolu sian bagasan rohana.’ ” (

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.

IBRANI 8:10

Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”