LUKAS 6:38 - BIBEL JAMITA NA DENGGAN

³⁸ Lehen hamu ma tu halak na asing, anso laing dilehen Debata muse tu hamu; jagiton ni tanganmunu ma silehen-lehen maruse-use na dung nisuhat di hamu. Angke parsuhatan na nipakemunu tu halak na asing, laing i do parsuhatan na nipake tu hamu.”

LUKAS 6:38 ပူးပေါင်းရင်းမြစ်များ

2 SAMUEL 19:36

Nada patut au manjagit upa na songon i godangna. Hum manaruhon raja i nada pala saotik nari tu bariba ni Batang aek Jordan on sajo noma lungun ni rohangku.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

JOB 42:11

Marroan ma manopot si Job sude angkangnia dohot ibotonia maradu ale-alenia sude di hatiha na salpu, lalu rap marpesta ma halahi di bagasnia. Dipaboa halahi ma na dohot halahi marsak hara ni sude hasusaan na niparo ni Tuhan tusia jana diapoi halahi ma ia. Marsilehen ma halahi hepeng na sasadia be dohot tintin sada be tu si Job.

MASMUR 79:12

Ale Tuhan, baloskon ma pitu noli lompit incak ni musu maradopkon Ho.

HARURUAR 21:24

mata gonti ni mata, ipon gonti ni ipon, tangan gonti ni tangan, pat gonti ni pat,

PODA 10:22

Hara ni pasupasu ni Tuhan do jolma gabe makayo, marloja-loja markarejo nada patamba harto.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PODA 22:9

Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

MARKUS 4:24

Didok Jesus dope muse. “Parrohahon hamu ma sanga aha na nibegemunu on! Muda bahat do dikarejohon hamu, laing bahat muse ma lehenon ni Debata di hamu. Lobi dope sian na nihalojahonmunu. Tapi muda otik do dikarejohon hamu, otik muse ma jagitonmunu.

LUKAS 6:30

Muda dipangido halak sanga aha tu ho, lehen ma i disia; muda dirampas sinadonganmu, ulang pola pangido be i mulak.

PANGARATAION 15:10

Lehen hamu ma tu halak i sian na nionjar ni roha dohot sian basa ni roha, jadi gabe pasupasuon ni Tuhan ma sude karejomunu.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.