LUKAS 6:35 - BIBEL JAMITA NA DENGGAN

³⁵ Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

LUKAS 6:35 ပူးပေါင်းရင်းမြစ်များ

MASMUR 112:5

Martua ma halak na jop roha painjamkon jana na jujur di sude siuruson.

MASMUR 145:9

Burju do Ho tu ganop jolma, jana dihaholongi Ho do sude na nitompaMu.

MASMUR 37:26

Matua na painjamkon ma i jana mangalehen, jana angka dakdanakna gabe pasupasu do i disia.

MASMUR 58:11

Dokkonon ni halak ma, “Dapotan pahalo do da antong halak na denggan, tutu do i, adong do Debata na manguhumi di portibi on.”

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PODA 22:9

Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

MATEUS 5:9

Martua ma angka na mambaen dame, dibaen nigoar do halahi anak ni Debata.

MARKUS 5:7

Gogo ma didokkon ia, “Jesus, Anak Ni Debata Na Gumincat! Na giot mambaen bia do Ho tu au? Mangasahon Debata, mangido au, ulang ma parkanciti au!” (

LUKAS 1:32

Gabe magodang ma Ia jana digoari ma Ia Anak Ni Debata Na Gumincat. Gabe raja ma Ia baenon ni Debata songon si Daud ompuNa i.

LUKAS 6:36

Gabe parasi roha ma hamu, laing songon Amangmunu na marasi roha i!”

JOHANNES 13:35

Muda marsihaholongan do hamu, gabe botoon ni halak ma sude, na tutu do anak siseanKu hamu.”

JOHANNES 15:8

Muda ramos hamu marbatu, gabe hasangapan ni Ama i do i; songon i ma dalanna baenonmunu patuduhon na tutu situtu hamu siihutkon Au.

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.