LUKAS 6:24 - BIBEL JAMITA NA DENGGAN

²⁴ Tapi marjaya ma hamu na kayo saonnari on; harana madung didai hamu na tabo!

LUKAS 6:24 ပူးပေါင်းရင်းမြစ်များ

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

HAGAI 2:9

Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:2

“Jadi muda dilehen hamu silehenon, ulang paboa-boa hamu i songon na nibaen ni angka halak pangalancap. Anggo halahi, tagi do mambaen na songon i di angka bagas paribadatan dohot di angka dalan godang, anso dipuji halak halahi. Ingot hamu ma! Madung dijagit halahi hian upa ni halahi.

MATEUS 6:5

“Muda martangiang hamu, ulang ma songon halak pangalancap. Na ringgasan halahi jongjong martangiang di angka bagas paribadatan dohot di sirpang-sirpang ni dalan, anso diida halak. Ingot hamu ma! Madung dijagit halahi upa ni halahi.

LUKAS 6:25

Marjaya ma hamu na butong saonnari on; harana, malean ma hamu! Marjaya ma hamu na martata saonnari on; harana, marsak ma rohamunu jana tangis.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!