LUKAS 5:35 - BIBEL JAMITA NA DENGGAN

³⁵ Tapi dapot do hatiha ni i, dibuat bayo pangoli i sian tonga-tonga ni halahi. Anggo disi baru ma puaso halahi.”

LUKAS 5:35 ပူးပေါင်းရင်းမြစ်များ

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

MATEUS 9:15

Dialusi Jesus ma, “Bia do ninna rohamunu? Adong ma he ninna rohamunu tamu na marsak hatiha pesta mangupa na marbagas, salolot rap dohot halahi bayo pangoli i? Tapi muda dung dapot hatihana dibuat bayo pangoli i sian halahi, baru pe anso puaso halahi.

MARKUS 2:20

Tapi adong do hatihana dibuat bayo pangoli i sian halahi. Anggo i, baru ma nada mangan be halahi.

LUKAS 17:22

Dung i didok Jesus ma tu angka anak siseanNia, “Na ro ma hatihana, na malungun hamu sugari idaonmunu ma sada sian angka ari ni Anak Ni Jolma i, tapi nada idaonmunu i.

LUKAS 5:34

Dialusi Jesus ma, “Tarbaen ma he puaso angka tamu di horja ni na marbagas salolot rap dohot halahi bayo pangoli i?

LUKAS 5:36

Dung i dipaboa Jesus ma umpama on tu halahi, “Nada adong sada halak pe na ra mangaribahi abit na imbaru giot mandungkapkonsa tu abit na dung buruk, muda binaen songon i sego ma abit na imbaru i, angke nada mardomu pandungkap na imbaru dohot abit na buruk i.

JOHANNES 12:8

Anggo halak na pogos tongtong do adong di tonga-tongamunu, tapi anggo Au nada tongtong rap dohot hamu.”

JOHANNES 13:33

Hamu angka dakdanakKu, nada sadia honok nari be Au rap dohot hamu. Jalahanmunu ma Au, tapi songon na dung Hudokkon i tu halak Jahudi, laing songon i ma dohononKu tu hamu: Nada tarbaen hamu ro tu inganan hakeheanKi.

JOHANNES 16:28

Tutu do i na ro sian Ama i do Au, jana madung Hudapotkon portibi on. Tapi saonnari, tadingkononKu ma mangulahi portibi on, mulak ma Au tu Damang.”

BAENON NI ANGKA RASUL 1:9

Dung didok Jesus songon i, tarangkat ma Ia tu banua ginjang dipanotnoti halahi, jana diholipi ombun i ma Ia sian parnidaan ni halahi.

BAENON NI ANGKA RASUL 14:23

Diangkat si Paulus dohot si Barnabas ma di angka parlagutan i angka pangituai ni ganop parlagutan. Dung jolo martangiang dohot puaso, dipasahat halahi ma angka pangituai i tu Tuhan na nihaporsayaan ni halahi i.

BAENON NI ANGKA RASUL 3:21

Laing di banua ginjang do Ia lopus dipaimbaru Debata sasudena songon na nidok ni Debata markite-hite angka panurirangNia na badia di hatiha na robi.

1 KORINTUS 7:5

Ulang ma marsipadaoan halak na saripe, muda so sian tumbuk ni tahi sanga sadia lolotna, anso bisa hamu rap martangiang. Dung i mardomu ma hamu mangulahi, anso unang diuji Sibolis hamu, harana nada tahan hamu marpuaso.

2 KORINTUS 11:27

Mapukpuk holi-holingku, songon na so jungada mida ari na torang na markarejo i, jotjot mangkar mata au, na so mangan na so minum, huhul marpuaso do au, ngalian hara ni na hurang pakean jana nada adong bagas inganan.